អឺរ៉ុប៖ ខ្សែប្រយុទ្ធក្លិប Manchester City កីឡាករ Jack Grealish បានលើកឡើងថា Lionel Messi គឺ ជា កីឡាករល្អជាងគេបំផុតដែលគេធ្លាប់បានលេងតទល់ជាមួយ និង បានជ្រើសរើសកីឡាករសញ្ជាតិអាហ្សង់ទីនរូបនេះ ថា ល្អជាង Cristiano Ronaldo។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ លើសពីមួយទសវត្សរ៍ទៅហើយ ដែល Messi និង Ronaldo តែងតែត្រូវបានគេយកមកប្រៀបធៀបគ្នា ហើយ អ្នកទាំងពីរធ្លាប់បានឈ្នះនូវពានរង្វាន់ជាច្រើននៅក្នុងអាជីពជាពិសេសពានរង្វាន់ឯកត្តជន Ballon D'or ដែលបូកចូលគ្នា គឺ ឈ្នះដល់ទៅ ១៣ សម័យ។
យ៉ាងណាមិញ ទាក់ទងនឹងរឿងខាងលើ នៅពេលដែលគេឲ្យជ្រើសរើសម្នាក់រវាង Ronaldo និង Messi គឺ Grealish បាននិយាយថា៖
Messi គឺ ជាកីឡាករល្អជាងគេបំផុតដែលខ្ញុំធ្លាប់បានលេងជាមួយ។ ខ្ញុំពិតជាមានកិត្តិយសណាស់ដែលបានលេងជាមួយគាត់ធំឡុងពេលគាត់លេងនៅ PSG ហើយ ខ្ញុំលេងនៅ Man City។ Ronaldo ឬ Messi មែនទេ? សម្រាប់ខ្ញុំគឺ Messi៕
ប្រភព៖ sportskeeda
Bong I.T