អង់គ្លេស៖ ខ្សែប្រយុទ្ធក្លិប Manchester United កីឡាករ Amad Diallo បានលើកឡើងថា រូបគេបានត្រៀមខ្លួនរួចរាល់ហើយក្នុងការផ្តល់អ្វីៗគ្រប់យ៉ាងជូនក្រុមនៅលើទីលាន ទោះបីជាអ្នកចាត់ការតម្រូវឲ្យរូបគេលេងជាអ្នកចាំទីក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Amad Diallo ដែលបច្ចុប្បន្នមានវ័យ ២២ ឆ្នាំ រូបគេគឺជាកីឡាករវ័យក្មេង ដែលមានទេពកោសល្យខ្ពស់បំផុតម្នាក់ ប៉ុន្តែកាលពីមុន រូបគេគឺពុំសូវមានឱកាសចូលលេងច្រើននោះទេ រហូតទាល់តែលោក Van Nistelrooy ចូលដឹកនាំ Man UTD ជាគ្រូបណ្តោះអាសន្ន ៤ ប្រកួត ទើបរូបគេទទួលបានឱកាសចូលលេងញឹកញាប់ រហូតបង្ហាញសមត្ថភាពកាន់តែល្អខ្លាំងឡើងៗមកដល់បច្ចុប្បន្ន ក្រោមការដឹកនាំរបស់លោក Amorim ជាក់ស្តែងថ្មីៗនេះ ក្នុងជ័យជម្នះលើ Everton ៤ទល់នឹង០ រូបគេក៏បានរួមចំណែក Assists ២លើកផងដែរ។
ទាក់ទងនឹងរឿងខាងលើ Amad Diallo បាននិយាយថា៖
កន្លែងណាក៏ដោយដែលអ្នកចាត់ការដាក់ខ្ញុំឲ្យលេង ខ្ញុំនឹងត្រៀមប្រយុទ្ធដើម្បីក្រុម។ ខ្ញុំមិនមានបញ្ហាអ្វីទេក្នុងការលេងជាខ្សែបម្រើស្លាបស្តាំ ឬ តួនាទីកីឡាករលេខ 10 ខ្ញុំអាចលេងបានគ្រប់ទីតាំងទាំងអស់។ ដូចដែលខ្ញុំបាននិយាយទៅកាន់អ្នកចាត់ការអ៊ីចឹងថា ប្រសិនបើអ្នកត្រូវការខ្ញុំលេងជាអ្នកចាំទី ខ្ញុំត្រៀមខ្លួនរួចជាស្រេចដើម្បីធ្វើឱ្យអស់ពីសមត្ថភាព៕
ប្រភព៖ sportskeeda
Bong I.T