Carina Lau និងស្វាមី រៀបចំខួបកំណើត ជាមួយគ្នា​ យ៉ាងមានក្ដីសុខ

កម្សាន្ត៖ តារាសម្តែងហុងកុង Carina Lau ដែលមានវ័យ ៥៩ ឆ្នាំ បានបង្ហោះសារអបអរខួបកំណើត សម្រាប់ខ្លួននាងនិងស្វាមី ដែលជាតារាសម្តែង Tony Leung កាលពីថ្ងៃទី ១០ ខែធ្នូ កន្លងទៅនេះ។

នៅលើទំព័រផ្ទាល់ខ្លួន របស់តារាស្រី Carina Lau បានបង្ហោះរូបថតគូជាមួយគ្នានឹងស្វាមីរបស់ខ្លួន ដោយនៅលើតុ គឺជានំខួបកំណើតតូចមួយ តុបតែងយ៉ាងសាមញ្ញ ជាមួយនឹងសារបង្ហោះថា «សាមញ្ញៗ សប្បាយៗ» ខណៈដែលនៅថ្ងៃទី ៨ ខែធ្នូ គឺជាថ្ងៃកំណើតរបស់តារាស្រីរូបនេះ។

យោងតាម ប្រភព ​​Sinchew ក្នុងរយៈពេលប៉ុន្មានឆ្នាំចុងក្រោយនេះ Carina Lau និងស្វាមីរបស់ខ្លួន បានបង្ហាញភាពស្និទ្ធស្នាលខ្លាំង ដោយអ្នក​ទាំង​ពីរ​ធ្វើ​ការ​ជាមួយ​គ្នា ហើយ​ជា​ញឹក​ញាប់​ គឺតែងតែនៅ​ក្បែរ​គ្នា ។ គួររំឮកផងដែរថា អាពាហ៍ពិពាហ៍របស់ Tony Leung និង Carina Lau មានភាពរីករាយនឹងគ្នា អស់រយៈពេល ១៦ ឆ្នាំមកហើយ។ ហើយនៅខែតុលា អ្នកទាំងពីរ ក៏បានទៅប្រទេសប៊ូតាន ដែលជាកន្លែងដែលពួកគេបានរៀបការ ដើម្បីរំលឹកឡើងវិញនូវអនុស្សាវរីយ៍ចាស់ៗ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖