Hailey បង្ហាញសកម្មភាពមួយនេះ ក្រោយ Selena ប្រកាសភ្ជាប់ពាក្យ ជាមួយ គូស្នេហ៍

កម្សាន្ត៖ តារាម៉ូដែល Hailey Bieber ដែលជាភរិយារបស់តារាចម្រៀង Justin Bieber បានបង្ហាញការគាំទ្រចំពោះ អតីតគូស្នេហ៍របស់ស្វាមីរបស់នាង នៅពេលដែល Selena Gomez បានប្រកាសភ្ជាប់ពាក្យ នៅលើ Instagram ។

តារាស្រី Hailey Bieber បានចូលទៅចុច Like ការបង្ហោះរបស់ Selena Gomez កាលពីថ្ងៃទី ១២ ខែធ្នូកន្លងទៅនេះ។ យោងតាមគេហទំព័រ E!News ភរិយារបស់ Justin Bieber បានជ្រើសរើសអបអរសាទរ Selena ដោយប្រយោល។ Hailey ជា​មនុស្ស​ម្នាក់​ក្នុង​ចំណោម​មនុស្ស​ជិត ១៨ លាន​នាក់​ ដែល​ចូល​ចិត្ត​កម្រង​រូប​ថត​ ដែល​បង្ហាញ​ចិញ្ចៀន ជាមួយនឹងដំណឹង​ភ្ជាប់​ពាក្យ​របស់ Selena ។

យ៉ាងណាមិញ កាលពីកន្លងមក ក៏មានពាក្យចចាមអារ៉ាមជាច្រើន អំពីការមិនចុះសម្រុងគ្នារវាង Hailey និង Selena បើទោះបីជា អ្នកទាំងពីរបានបដិសេធក៏ដោយ៕

ប្រភព៖ Ngoisao.net

សូមទស្សនារូបភាពខាងក្រោម៖