អង់គ្លេស៖ អ្នកចាត់ការទូទៅក្លិប Manchester City លោក Pep Guardiola បានលើកឡើងថា កាដឹកនាំរបស់លោកមិនល្អគ្រប់គ្រាន់ឡើយ ក្រោយយប់មិញ ក្រុមមេឃខៀវរងបរាជ័យក្រោមថ្វីជើងរបស់ Manchester United។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីយប់មិញនេះ ក្នុងការប្រកួតក្របខណ្ឌ Premier League គឺ Man City ប៊ិះតែនឹងក្រសោបបានបីពិន្ទុទៅហើយទល់នឹង Man UTD បន្ទាប់ពីបានបើកការនាំមុខ ១ទល់នឹង០ រហូតដល់នាទីទី ៨៨ ក៏ ត្រូវបាន ក្រុមបិសាចក្រហមវាយបកចុងម៉ោងលឿនៗ ២គ្រាប់ ត្រឹមរយៈពេល ២នាទី ធ្វើឲ្យក្រុមលោក Pep Guardiola ទទួលបរាជ័យជាថ្មីម្តងទៀតក្នុងលទ្ធផល ២ទល់នឹង១ ខណៈ ១១ប្រកួតចុងក្រោយ ក្រុមមេឃខៀវស្គាល់រសជាតិឈ្នះមួយលើកគត់។
ក្នុងនោះ ក្រោយចប់ការប្រកួត លោក Pep បាននិយាយថា៖
ខ្ញុំជាមេ ខ្ញុំជាអ្នកចាត់ការ ខ្ញុំត្រូវតែស្វែងរកដំណោះស្រាយ។ ខ្ញុំមិនល្អគ្រប់គ្រាន់ទេ។ វាជាការពិតដែលខ្ញុំកំពុងតែធ្វើមិនបានល្អ៕
ប្រភព៖ sportskeeda
Bong I.T