Lamine Yamal យប់មិញស៊ុតកាច់មុំមួយគ្រាប់ស្អាតណាស់ ជួយឱ្យ Barca លត់ R.Madrid នៅវគ្គផ្តាច់ព្រ័ត្រពាន Spanish Super Cup ៥-២(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ១៣ ខែ ធ្នូ ឆ្នាំ ២០២៥ នេះ ក្រុមអធិរាជស Real Madrid បានជួបតទល់គ្នាជាមួយក្រុមអ្នកមានបុណ្យ FC Barcelona នៅកីឡដ្ឋាន King Abdullah Sports City ដែលជាការប្រកួតវគ្គផ្តាច់ព្រ័ត្រពានរង្វាន់ Spanish Super Cup។

ជាការពិតណាស់ នៅក្នុងការប្រកួតរវាងក្រុមខ្លាំងទាំង ២ គឺពិតជាតានតឹងមែនទែន ប៉ុន្តែក្រោយបញ្ចប់ការប្រកួត ៩០ នាទីពេញ ខាងក្រុម Barcelona ហាក់ធ្វើបានល្អជាង ដោយពួកគេបានយកឈ្នះលើក្រុម Real Madrid ក្នុងលទ្ធផល ៥ ទល់នឹង ២។

ក្នុងនោះ ៥ គ្រាប់របស់ Barcelona គឺរកបានដោយ Lamine Yamal នៅនាទីទី ២២, Robert Lewandowski នៅនាទីទី ២២, Raphinha រកបាន ២ គ្រាប់ គឺនៅនាទីទី ៣៩ និង ៤៨ និង មួយគ្រាប់ទៀត គឺរកបានដោយ Alejandro Balde នៅនាទីទី ៤៥+១០។ ចំណែក ២ គ្រាប់របស់ Real Madrid វិញ គឺរកបានដោយខ្សែប្រយុទ្ធ Kylian Mbappe នៅនាទីទី ៥ និង Rodrygo នៅនាទីទី ៦០។

គួរបញ្ជាក់ថា ក្រោយជ័យជម្នះយប់មិញនេះបានធ្វើឱ្យ Barcelona ក្លាយជាម្ចាស់ពាន Spanish Super Cup ២០២៥ ជាផ្លូវការហើយ ដែលជាលើកទី ១៥ នៅក្នុងប្រវត្តិសាស្ត្រក្លិប។

ដើម្បីជ្រាបច្បាស់សូមទស្សនាវីដេអូខាងក្រោម៖