អេស្ប៉ាញ៖ ខ្សែបម្រើចាស់វស្សាក្លិប Real Madrid កីឡាករ Luka Modric បានលើកឡើងថា ប្រសិនបើក្រុមត្រូវចាំបាច់ចាញ់ពានរង្វាន់ណាមួយក្នុងមួយរដូវកាល នោះ រូបគេនឹងជ្រើសយកពានរង្វាន់ Supercopa ឬ Spanish Super Cup។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Modric បានលើកឡើងបែបនេះ បន្ទាប់ពីកាលពីយប់មិញ Real Madrid បានប្រកួតចាញ់ Barcelona ក្នុងលទ្ធផលធ្ងន់ធ្ងរមែនទែន ៥ទល់នឹង២ នៅក្នុងវគ្គផ្តាច់ព្រ័ត្រ របូតពានរង្វាន់ Supercopa ខណៈ នៅក្នុងការប្រកួត កីឡាករសញ្ជាតិក្រូអ៊ាតខាតខាងលើ ក៏បានផ្លាស់ប្តូរចូលលេងនៅក្នុងនាទីទី ៦៤ផងដែរ។
យ៉ាងណាមិញ ក្រោយចប់ការប្រកួត Modric បាននិយាយថា៖
ប្រសិនបើមួយរដូវកាល យើងចាំបាច់ត្រូវតែបាតបង់ពានរង្វាន់ណាមួយ នោះ យើងនឹងរើសក្នុងការបាត់បង់ពានរង្វាន់ Supercopa។ ពួកយើងត្រូវតែអបអរចំពោះ Barcelona ព្រោះពួកគេលេងបានល្អជាងយើង៕
ប្រភព៖ Fabrizio Romano
Bong I.T