បរទេស៖ អ្នកចាត់ការរបស់ Real Madrid លោក Carlo Ancelotti បានមានប្រសាសន៍ថា ក្រុមរបស់លោកពិតជាអន់ខ្លាំងណាស់នៅត្រង់តំបន់ការពារ បន្ទាប់ពីចាញ់ Barcelona នៅក្នុងការប្រកួតវគ្គផ្តាច់ព្រ័ត្រពាន Spanish Super Cup កាលពីយប់រំលងអាធ្រាត្រឈានចូលថ្ងៃទី ១៣ ខែ មករា នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
អ្នកចាត់ការសញ្ជាតិ អ៊ីតាលី វ័យ ៦៥ ឆ្នាំ បានលើកឡើងដូចខាងលើ បន្ទាប់ពី Real Madrid ដែលជាក្រុមលោកដឹកនាំ បានរងបរាជ័យយ៉ាងចាស់ដៃក្រោមថ្វីជើងក្រុមអ្នកមានបុណ្យ FC Barcelona ក្នុងលទ្ធផល ៥ ទល់នឹង ២ នៅកីឡដ្ឋាន King Abdullah Sports City ក្នុងប្រទេស អារ៉ាប៊ីសាអ៊ូឌីត ដែលជាហេតុធ្វើរបូតពាន Spanish Super Cup ២០២៥ នេះ។
លោក Ancelotti បានមានប្រសាសន៍នៅក្នុងសន្និសីទកាសែត ក្រោយបញ្ចប់ការប្រកួតយ៉ាងដូច្នេះថា៖
ពួកយើងការពារពិតជាអន់ណាស់ ហើយនេះគឺជារឿងដ៏ឈឺចាប់សម្រាប់ពួកយើងអំឡុងពេលប្រកួត។ ពួកគេបានរកគ្រាប់បាល់បានយ៉ាងងាយស្រួល ហើយពួកយើងមិនបានការពារឱ្យល្អទេ ទាំងការដេញដណ្តើមបាល់នៅចំណុចខ្ពស់ និងការបិទបាល់របស់គូប្រកួតនៅចំណុចទាប។ នៅពាក់កណ្តាលការប្រកួត ខ្ញុំបានប្រាប់ពួកគេ ថារឿងដំបូងបំផុត ដែលពួកយើងត្រូវការ គឺត្រូវព្យាយាមលេងបាល់ទាត់ ព្រោះនៅវគ្គទី ១ ពួកយើងមិនបានលេងបាល់ទាត់ទេ៕
ប្រភព៖ World Soccer Talk
Bong I.T