អត់មាន Barca តែមាន R.Madrid! Aguero បានចុចឈ្មោះ ៣ ក្រុមនេះ ថានឹងអាចឈ្នះពាន UCL រដូវកាលនេះ

បរទេស៖ អតីតខ្សែប្រយុទ្ធរបស់ក្រុមមេឃខៀវ Manchester City លោក Sergio Aguero បានចុចឈ្មោះក្រុមចំនួន ៣ ថាជាក្រុម ដែលអាចមានលទ្ធភាពឈ្នះពានរង្វាន់ Champions League នៅរដូវកាល ២០២៤-២០២៥ នេះ ប៉ុន្តែរឿងដែលភ្ញាក់ផ្អើល គឺគ្មានឈ្មោះរបស់ Barcelona ដែលជាក្លិបមួយ គាត់ធ្លាប់លេងនោះទេ។

ជាការពិតណាស់ Aguero ដែលបច្ចុប្បន្នមានវ័យ ៣៦ ឆ្នាំ ត្រូវបានគេចាត់ទុកថា ជាវីរបុរសមួយរូបរបស់ Man City ដោយចំណយពេលនោះទីនោះរយៈពេល ១០ ឆ្នាំ ពោលគឺពី ២០១១ ដល់ ២០២១ លោកបានឈ្នះពាន Premier League ៥ លើក, League Cup ៦ លើក និង FA Cup ១ លើក។

បន្ទាប់ពីចាកចេញពីទឹកដី អង់គ្លេស លោកក៏បានផ្លាស់ទៅចូលរួមជាមួយនឹងក្រុមអ្នកមានបុណ្យ Barcelona ប៉ុន្តែលោកលេងនៅទីនោះបានត្រឹមតែរយៈពេលកន្លះរដូវកាលប៉ុណ្ណោះ លោកក៏បានសម្រេចចិត្តចូលនិវត្តន៍ពីបាល់ទាត់តែម្តង ដោយសារមានបញ្ហាបេះដូង។

យ៉ាងណាមិញ ទោះបីជាធ្លាប់លេងនៅទីនោះក៏ដោយ ប៉ុន្តែថ្មីៗ Aguero មិនបានមើលឃើញ Barcelona ដែលជាក្រុមកំពុងឡើងជើងខ្លាំងមួយ ថាអាចមានភាគរយឈ្នះពាន UCL នៅរដូវកាលនេះនោះទេ ដោយឡែកក្រុមដែលគាត់ហាក់មានភាពជឿជាក់ខ្លាំង ក្នុងនោះរួមមាន Man City, Real Madrid និង Arsenal។

ថ្លែងប្រាប់ Metro អតីតខ្សែប្រយុទ្ធជម្រើសជាតិ អាហ្សង់ទីន បាននិយាយយ៉ាងដូច្នេះថា៖

ប្រភព៖ Sportbible