ចេញបទ "Zen"មិនទាន់បានប៉ុន្មានផង Jennie ត្រូវគេចោទថាយកស្ទាយ៍តាមបទនេះ

កម្សាន្ត៖ កាលពីថ្ងៃទី២៥ខែមករាឆ្នាំ២០២៥ កន្លងទៅនេះ Jennie ដែលជាសមាជិកក្រុមចម្រៀងនារី BLACKPINK បានបញ្ចេញបទចម្រៀងថ្មីគឺ MV បទ "Zen" ដ៏គួរឲ្យភ្ញាក់ផ្អើលបំផុត ព្រោះនាងពុំមានការប្រកាសមុននោះឡើយ ជាហេតុធ្វើឲ្យអ្នកគាំទ្រមានការរំជើបរំជួលជាខ្លាំង។

មកទល់ពេលនេះបទ "Zen" របស់នាងមានការចុចចូលទស្សនានៅលើគណនី Youtube ជាង១០លាននាក់ និងមានការបញ្ចេញមតិពីអ្នកគាំទ្រថានាងពិតជាឡូយ ប្លែកត្រង់ Concept និងមើលទៅចម្លែកខុសពីគេ។

ប៉ុន្តែថ្មីៗនេះ នាងត្រូវបានគេចោទប្រកាន់ថាបទ "Zen" នេះយកតាមបទចម្រៀង "Howling" របស់ក្រុមចម្រៀង XG ដែលមានប្លង់ថតនិងសម្លៀកបំពាក់ពិតជាស្រដៀងគ្នាខ្លាំង សឹងតែច្រឡំថាវាជា MV តែមួយ។ យ៉ាងណាមិញ មានការលើកឡើងថា អ្នកដឹកនាំចម្រៀង MV ទាំងពីរបទនេះគឺជាមនុស្សតែមួយគឺលោក Choi Gi Seok ដូច្នេះហើយទើបការថត ប្លង់ Concept និងសម្លៀកបំពាក់គឺមើលទៅដូចគ្នា និងអាចហៅបានថាមានភាពស្រដៀងគ្នាខ្លាំង៕  

ប្រភព៖ koreaboo