ក្តៅៗ! Romano បានចុះផ្សាយថា Man UTD បានព្រមព្រៀងផ្ទេរយកកីឡាករ Arsenal រូបនេះហើយ

បរទេស៖ ក្លិបបិសាចក្រហម Manchester United កំពុងតែមមារញឹកមែនទែននៅទីផ្សារដោះដូរកីឡាករខែ មករា នេះ ខណៈថ្មីៗនេះអ្នកកាសែត អ៊ីតាលី លោក Fabrizio Romano បានចុះផ្សាយថា ពួកគេជិតសម្រេចកិច្ចព្រមព្រៀងជាផ្លូវការ ក្នុងការចុះកុងត្រាយកខ្សែការពារ Arsenal កីឡាករ Ayden Heaven។

ប្រភពពីលោក Romano ដដែលបានឱ្យដឹងថា Ayden Heaven បានសម្រេចចិត្តបដិសេធសំណើបន្តកុងត្រារបស់ Arsenal កាលពីសប្តាហ៍មុន ដោយគេគឺមានឆន្ទៈចង់ផ្លាស់មកចូលរួមជាមួយនឹង Manchester United។ 

បន្ទាប់ពីខ្សែការពារសញ្ជាតិ អង់គ្លេស វ័យ ១៨ ឆ្នាំរូបនេះបដិសេធសំណើបន្តកុងត្រារបស់ Arsenal ឥឡូវនេះ Man UTD បានរៀបចំកាលបរិច្ឆេទនៃការពិនិត្យសុខភាពរួចរាល់ មុនពេលភាគីទាំង ២ ដាក់ប៊ិចចុះកុងត្រាជាមួយគ្នាជាផ្លូវការ។

គួរបញ្ជាក់ថា Ayden Heaven គឺជាកីឡាករ ដែលបានដុះចេញពីថ្នាលយុវជនរបស់ Arsenal ផ្ទាល់តែម្តង ហើយរូបគេគឺលេងតួនាទីជាខ្សែការពារកណ្តាល និងមានជំនាញលើជើងឆ្វេង៕

ប្រភព៖ ONE Football