វ័»»-យ»»-កាន់តែច្រើនមែន តែ Fan Bingbing បង្ហាញភាពស្រស់ស្អាត បែបនេះ

កម្សាន្ត៖ បើទោះបីត្រូវបានឃ្លាតឆ្ងាយពីសិល្បៈ ដោយសារតែពាក់ព័ន្ធរឿងអាស្រូវគេចពន្ធក៏ដោយ តែតារាស្រី Fan Bingbing នៅតែជាទីចាប់អារម្មណ៍ពីហ្វេនៗអ្នកគាំទ្រ រាល់ពេលដែលនាងបង្ហាញខ្លួន តាមកម្មវិធីផ្សេងៗ ឬនៅលើបណ្ដាញសង្គមផ្ទាល់។

ដោយឡែក ថ្មីៗនេះ តារាសម្ដែងស្រី Fan Bingbing បានទាក់ទាញអ្នកគាំទ្រ ដោយកាលពីព្រឹកថ្ងៃដំបូងនៃបុណ្យចូលឆ្នាំចិន រូបនាងបានបង្ហោះរូបភាពមួយឈុតពណ៌ក្រហមដ៏លេចធ្លោ បង្ហាញពីទិដ្ឋភាពដ៏ល្អឥតខ្ចោះ របស់ខ្លួន ដើម្បីស្វាគមន៍រដូវផ្ការីកក្នុងវីឡាតម្លៃរាប់លានដុល្លារ ដែលមានការតុបតែងយ៉ាងប្រណីត។

អ្វីដែលគួរឲ្យកត់សម្គាល់ ក្រៅពីបង្ហាញសម្រស់ដ៏ស្រស់ស្អាតហើយនោះ Fan Bingbing ក៏បានធ្វើឲ្យទស្សនិកជន ចាប់អារម្មណ៍ជាមួយនឹងទ្រព្យសម្បត្តិរបស់នាង នៅពេលបង្ហាញខ្លួនជាមួយនឹងឈុត ខ្សែដៃ និងចិញ្ចៀនត្បូងដ៏ធំសម្បើម ដែលប៉ាន់ស្មានថាមានតម្លៃច្រើន ផងដែរ៕

ប្រភព៖ Kenh14

សូមទស្សនារូបភាពខាងក្រោម៖