អ្នកគាំទ្ររិះគ»-ន់ឈុតមួយនេះ ដែល ចាងស៊ីប៊ីយុ ស្លៀកថាមិនសមនឹងសម្រស់នាងសោះ

កម្សាន្ត៖ ជឿជាក់ថាប្រិយមិត្តប្រាកដជាស្គាល់ Im Yoona ដែលជាតារាចម្រៀងនិងតារាសម្ដែងស្រីដ៏ល្បីឈ្មោះ ដែលនាងជាសមាជិកក្រុម Girls' Generation ក៏ដូចជាតួឯកស្រីក្នុងរឿងភាគ "អូនជាបេះដូងបង" ដោយដើរតួជា ចាង ស៊ីប៊ីយុ ផងដែរ។

ថ្មីៗនេះកាលពីថ្ងៃទី៣០ខែមករា Yoona បានធ្វើដំណើរទៅទីក្រុងប៉ារីស ដើម្បីចូលរួមកម្មវិធីដើរម៉ូតរបស់ម៉ាកយីហោ Valentino Haute Show ដែលនាងជាអ្នកតំណាង។ ក្នុងនោះ Yoona នៅតែបានបញ្ចេញសម្រស់ដ៏ស្រស់ស្អាតនិងស្រគត់ស្រគុំសុភាពដូចរាល់ដង។

ប៉ុន្តែឈុតនៅលើដងខ្លួននាងបែរជាត្រូវ អ្នកគាំទ្ររិះគន់ថាវាពិតជាមិនសមនឹងនាងសោះ មើលទៅដូចគ្មានត្រង់ណាស្អាត ដោយសារ Yoona បានធ្វើសក់រាងរួញៗ ទម្លាក់សងខាង និងស្លៀករ៉ូបពណ៌ទឹកដោះគោ ក្រឡាអុចពងជីងចក់ជាមួយនឹងអាវរងាដៃវែង ពណ៌ខ្មៅ ព្រមជាមួយស្រោមជើងវែង និងកាបូប Valentino ។ ទោះបីនាងមើលទៅស្រស់ស្អាតលើការតុបតែងមុខមាត់ក៏ដោយ ក៏អ្នកគាំទ្រគិតថា រ៉ូបនិងអាវដៃវែងដែលនាងស្លៀកពិតជាមិនសមនឹងនាងទេ និងបានចោទថាខាងកម្មវិធីធ្វើបាបនាងឲ្យស្លៀកពាក់មិនសមនឹងការតែងខ្លួន៕

ប្រភព៖ koreaboo