បរទេស៖ ខ្សែប្រយុទ្ធក្លិប Manchester United កីឡាករ Marcus Rashford បានរំលងឈ្មោះរបស់ Cristiano Ronaldo និង ចុចឈ្មោះ Lionel Messi ជា កីឡាករល្អជាងគេបំផុត ទោះរូបគេធ្លាប់ជាមិត្តរួមក្រុមជាមួយប្រធានក្រុមជម្រើសជាតិព៏រទុយហ្គាល់ខាងលើក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ លើសពីមួយទសវត្សរ៍ទៅហើយ ដែល Messi និង Ronaldo តែងតែត្រូវបានគេយកមកប្រៀបធៀបគ្នា ហើយ អ្នកទាំងពីរធ្លាប់បានឈ្នះនូវពានរង្វាន់ជាច្រើននៅក្នុងអាជីពជាពិសេសពានរង្វាន់ឯកត្តជន Ballon D'or ដែលបូកចូលគ្នា គឺ ឈ្នះដល់ទៅ ១៣ សម័យ។
យ៉ាងណាមិញ ទាក់ទងនឹងរឿងខាងលើ នៅពេលដែលគេឲ្យជ្រើសរើសម្នាក់រវាង Messi និង Ronaldo គឺ Rashford បាននិយាយថា៖
រឿងខ្លះដែល Messi បានធ្វើ គឺ ពិតជាមិនគួរឲ្យជឿ។ ខ្ញុំជាអ្នកគាំទ្ររបស់ Ronaldo ប៉ុន្តែខ្ញុំគិតថា Messi ជា កីឡាករល្អជាងគេនៅលើលោក៕
ប្រភព៖ Sportskeeda
Bong I.T