ជួបមែនផ្អើលហើយកំពុងឡើងដូចគ្នា! លោកគ្រូអេ ភូថង បានចុចឈ្មោះកីឡាករខ្មែររូបនេះចំៗ ថាជាអ្នកដែលសក្តិសមជួប Taimu បន្ទាប់

//s9.kh1.co/78/7812849304b6c577e33fb07a113e460a287a8354.jpg
កីទ្បា

 ១៧-កុម្ភៈ-២០២៥ ៩ព្រឹក · ៦ ថ្ងៃមុន

លោកគ្រូអេ ភូថង បានចុចឈ្មោះកីឡាករខ្មែររូបនេះចំៗ ថាជាអ្នកដែលសក្តិសមជួប Taimu បន្ទាប់

ប្រដាល់៖ មិនរង់ចាំយូរលោកគ្រូអេ ភូថង បានចុចឈ្មោះកីឡាករគុនខ្មែរកំពុងឡើងកូដម្នាក់ ដែលអាចកំដរ Taimu Hisai នៅក្នុងការប្រកួតបន្ទាប់បាន បន្ទាប់ពីអ្នកប្រដាល់ប្រចាំសង្វៀន Knock Out របស់ជប៉ុនរូបនេះ បានយកឈ្នះលើឈុត សេរីវ៉ាន់ថង ដោយពិន្ទុនៅក្នុងការប្រកួតលើកទី ២ កាលយប់ពីថ្ងៃទី ១៤ កុម្ភៈ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Taimu Hisai និង ឈុត សេរីវ៉ាន់ថង
Taimu Hisai និង ឈុត សេរីវ៉ាន់ថង

នេះជាលើកទី ២ ហើយ ដែល Taimu បានយកឈ្នះលើឈុត សេរីវ៉ាន់ថង ខណៈកាលពីលើកទី ១ រូបគេបានយកឈ្នះនៅទឹកដី ជប៉ុន ដោយផ្តួលឱ្យសន្លប់ទឹកទី ១ ទន្ទឹមនឹងនេះ Taimu បច្ចុប្បន្នក៏កំពុងធ្វើព្យុះធ្វើភ្លៀងផងដែរ ដោយកាលពីចុងឆ្នាំ ២០២៤ រូបគេទើបតែបានយកឈ្នះលើក្របីព្រៃពេជ្រ សម្បត្តិ ដោយផ្តួលឱ្យសន្លប់ក្នុងទឹកទី ៣។

យ៉ាងណាមិញ បន្ទាប់ពីជើងខ្លាំងគីឡូ ៦០ របស់កម្ពុជា ២ រូប បានចាញ់ផ្ទួនៗបែបនេះ បានធ្វើឱ្យអ្នកគាំទ្រគុនខ្មែរជាច្រើនកំពុងអន្ទះសារចង់ឱ្យកីឡាករផ្សេងចូលមកជួប Taimu Hisai ក្នុងការប្រកួតបន្ទាប់ ដោយមានអ្នកខ្លះបានចុចឈ្មោះបឺត សង្ឃឹម អ្នកខ្លាំងក៏ចុចឈ្មោះឃីម បូរ៉ា អ្នកខ្លះទៀតក៏ចុចឈ្មោះចំរើន គុនខ្មែរ អ្នកខ្លះក៏ចុចឈ្មោះសុខ ធី ប៉ុន្តែងាកមកកាន់លោកគ្រូ អេភូថង ដែលជាវីរៈបុរស និងជាគ្រូបង្វឹកគុនខ្មែរវិញ លោកគ្រូបានបញ្ចេញទស្សនៈផ្ទាល់ខ្លួន ថាបឺត សង្ឃឹម គឺជាអ្នកបន្ទាប់ ដែលសក្តិសមក្នុងការជួបអ្នកប្រដាល់សាមូរ៉ៃជប៉ុន។

លោកគ្រូអេ ភូថង
លោកគ្រូអេ ភូថង
បឺត សង្ឃឹម
បឺត សង្ឃឹម
Sem Kosal
K.S

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T