រុះរើឈុតធំ! ក្រោយធ្លាក់ពី UCL ឥឡូវលោក Pep ត្រៀមឱ្យ Man City បញ្ចេញកីឡាករឈុតដំបូង ៨ នាក់នេះចេញ

បរទេស៖ យោងតាមការចុះផ្សាយដោយសារព័ត៌មាន The Mirror បានឱ្យដឹងថា អ្នកចាត់ការទូទៅលោក Pep Guardiola បានត្រៀមរួចរាល់ហើយ ដើម្បីប្រាប់ទៅថ្នាក់លើក្លិប Manchester City ឱ្យបញ្ចេញកីឡាករក្នុងឈុតដំបូងដល់ទៅ ៨ នាក់នៅទីផ្សារដោះដូរកីឡាកររដូវក្តៅខាងមុខ។

កីឡាករទាំង ៨ នាក់ ដែលលោក Pep នឹងអនុញ្ញាតឱ្យចាកចេញទាំងនោះ រួមមាន Jack Grealish, John Stones, Ilkay Gundogan(ផុតកិច្ចសន្យា), Bernardo Silva, Kyle Walker, Ederson, Kevin de Bruyne(ផុតកិច្ចសន្យា) និង Mateo Kovacic។

ទោះបីជាកីឡាករទាំង ៨ នាក់ខាងលើ សុទ្ធសឹងជាអ្នក ដែលមានស្នាដៃជួយឱ្យក្រុមមេឃខៀវទទួលបានភាពជោគជ័យពីមុនក៏ពិតមែន ប៉ុន្តែបច្ចុប្បន្នពួកគេសុទ្ធតែជាកីឡាករ ដែលមានវ័យក្បែរ និងលើស ៣០ ឆ្នាំហើយ ដូច្នេះនៅក្នុងខណៈពេលនេះ លោក Pep កំពុងរៀបចំផែនការ ដើម្បីអភិវឌ្ឍលើកីឡាករវ័យក្មេងវិញម្តង៕

ប្រភព៖ Sportskeeda