រៀបការជិត៣ឆ្នាំ សល់កូន១ Hyun Bin និង Son Ye Jin ថតរូបជាមួយគ្នាយ៉ាងផ្អែមល្ហែម

កម្សាន្ត៖ ដូចដែលប្រិយមិត្តបានជ្រាបហើយថា តារាសម្ដែងស្រី Son Ye Jin បានរៀបអាពាហ៍ពិពាហ៍ជាមួយតារាសម្ដែងប្រុស Hyun Bin តាំងពីឆ្នាំ២០២២។

ក្នុងនោះ អ្នកទាំងពីរទទួលបានចំណងដៃកូនប្រុសមួយយ៉ាងគួរឲ្យស្រលាញ់ និងបានរួមរស់ជាមួយគ្នាយ៉ាងមានសុភមង្គល ដោយជារឿយៗ គេតែងតែបានឃើញអ្នកទាំងពីរនិយាយល្អៗពីគ្នា មើលទៅពិតជាគ្រួសារដ៏កក់ក្ដៅ។ថ្មីៗនេះ Son Ye Jin បានចេញមកបង្ហោះរូបភាពផ្អែមល្ហែមជាមួយស្វាមី Hyun Bin នាថ្ងៃទី១៨ខែមីនា ឆ្នាំ២០២៥ ដោយក្នុងរូបនេះ Son Ye Jin បានឱបដៃស្វាមី ស្លៀកពាក់ខោអាវរងា និងមាន Sticker រូបទន្សាយបាំងមុខគេ។

Ye Jin បានញញិមយ៉ាងស្រស់ស្អាត ពេលថតជាមួយស្វាមីដែលធ្វើឲ្យអ្នកគាំទ្រកាន់តែពោលសរសើរថាជីវិតគូស្វាមីភរិយាមួយគូនេះ ពិតជាមានក្ដីសុខនិងសុភមង្គលខ្លាំងណាស់៕  

ប្រភព៖ allkpop