កម្សាន្ត៖ តារាសម្ដែង លោក Ben Affleck ដែលត្រូវបានគេស្គាល់ថា ជាអតីតស្វាមី តារាចម្រៀងស្រី Jennifer Lopez បាននិយាយថា មនុស្សជាច្រើនបានប៉ាន់ស្មានអំពីបញ្ហាធ្ងន់ធ្ងរ ដែលនាំទៅដល់ការលែងលះរបស់ខ្លួន និង Jennifer កាលពីឆ្នាំមុន ប៉ុន្តែហេតុផលពិតប្រាកដ គឺជារឿងធម្មតាណាស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅក្នុងបទសម្ភាសន៍ជាមួយទស្សនាវដ្តី GG ចេញផ្សាយនៅថ្ងៃទី ២៥ ខែមីនា លោក Ben Affleck បានឆ្លើយតបនឹងពាក្យចចាមអារ៉ាមថា អាពាហ៍ពិពាហ៍របស់ខ្លួន ជាមួយ Jennifer Lopez បានបែកបាក់គ្នា ដោយសារតែ តារាចម្រៀងរូបនេះបង្ហាញជាសាធារណៈពេក អំពីជីវិតឯកជនរបស់ពួកគេ នៅក្នុងខ្សែភាពយន្តឯកសាររឿង The Greatest Love Story Never Told ដែលនឹងចេញផ្សាយនៅដើមឆ្នាំ ២០២៤ ។ Ben បានបញ្ជាក់ថា ការបើកចំហរបស់ Jennifer Lopez ផ្ទុយពីបុគ្គលិកលក្ខណៈឯកជនរបស់លោក ដែលមិនមែនជាមូលហេតុនោះទេ។
Ben បានពន្យល់ថា «មានមនុស្សជាច្រើនដែលគ្រប់គ្រងជីវិតដ៏ល្បីល្បាញ ជាងខ្ញុំ ហើយ Jennifer Lopez គឺជាមនុស្សម្នាក់ក្នុងចំណោមពួកគេ។ បុគ្គលិកលក្ខណៈរបស់ខ្ញុំ គឺមានភាពកក់ក្ដៅ និងឯកជនជាងនាងបន្តិច។ ប៉ុន្តែដូចជាទំនាក់ទំនងណាមួយ អ្នកមិនមែនតែងតែមានទស្សនៈ និងអាកប្បកិរិយាដូចអ្នកដទៃនោះទេ។ ខ្ញុំគិតថា អស្ចារ្យណាស់ តើអ្នកអាចគ្រប់គ្រងបានដោយរបៀបណា?»។
យ៉ាងណាមិញ Ben ជឿជាក់លើប្រពន្ធរបស់ខ្លួន ព្រោះលោកមានអារម្មណ៍ថា នាងអស្ចារ្យ ហើយចង់ឲ្យអ្នកគ្រប់គ្នាបានដឹង។ យោងតាមលោក Ben មុនពេលមានទំនាក់ទំនងជាមួយ Jennifer លោកក៏បានដឹងពីភាពខុសគ្នានៃបុគ្គលិកលក្ខណៈរវាងពួកគេ។
តារារូបនេះបញ្ជាក់ថា មិនមានពេលជាក់លាក់ណា ដែលបញ្ចប់ជីវិតអាពាហ៍ពិពាហ៍នោះទេ ហើយក៏មិនមានរឿងអាស្រូវ ឬជម្លោះ ណាមួយដែរ។ លោក បាននិយាយថា «ខ្ញុំមានការគោរពទាំងស្រុងចំពោះនាង។ ខ្ញុំគិតថា មនុស្សជាច្រើន មានទំនោរមើលទៅការបែកបាក់គ្នា ហើយចង់កំណត់អត្តសញ្ញាណដើមហេតុ។ ប៉ុន្តែការពិត គឺជារឿងធម្មតាជាងអ្វីដែលមនុស្សគិតទៅទៀត»។ រូបលោក ក៏បានលើកឡើងថា ពេលខ្លះគូស្នេហ៍បែកបាក់គ្នា ដោយសារពួកគេព្យាយាមស្វែងយល់ពីជីវិត និងទំនាក់ទំនងរបស់ពួកគេ មិនមែនដោយសារម្នាក់ ឬម្នាក់ទៀត បានធ្វើអ្វីខុស ឬមានបញ្ហាធំដុំនោះទេ៕
ប្រភព៖ Ngoisao.net
សូមទស្សនារូបភាពខាងក្រោម៖
Bong I.T