អតីតតារាឆ្នើម Barca គឺ Gaizka Mendieta ថាម្នាក់នេះសមនឹងឈ្នះ Ballon d'Or ឆ្នាំនេះខ្លាំងណាស់

កីឡា៖ អតីតកីឡាករ Barcelona គឺលោក Gaizha Mendieta បាននិយាយថាខ្សែប្រយុទ្ធ Raphinha នៃក្លិប Barcelona គួរតែជាអ្នកឈ្នះពានបាល់មាស Ballon d'Or នៅឆ្នាំ២០២៥នេះ។

លោកបាននិយាយថា Raphinha មិនត្រឹមតែមានទម្រង់លេងដ៏អស្ចារ្យដោយស៊ុតបញ្ចូលទីបានច្រើន និងថែមទាំងជួយក្រុមបានច្រើនទេ តែក្នុងនោះ គេក៏មានភាពជាអ្នកដឹកនាំខ្លាំងណាស់ដែរ។Rapinha ពិតជាលេងបានល្អណាស់នៅរដូវកាលនេះ ក្រោមការដឹកនាំរបស់លោក Hansi Flick ដោយគេរកបាន២៧គ្រាប់ និងបញ្ជូនបាល់បាន២០គ្រាប់ ក្នុងការបង្ហាញខ្លួនសរុប ៤២ប្រកួត នារដូវកាលនេះ ដែលអ្វីពិសេសជាងនោះទៅទៀត Raphinha ក៏បានជួយ Barcelona ឲ្យលើកពាន Supercopa de Espana ទៀតផង។

លោកបាននិយាយថា៖

"សម្រាប់ខ្ញុំ គេគឺជាបេក្ខភាពដែលអាចឈ្នះពានរង្វាន់បាល់មាស Ballon d'Or នេះព្រោះទាំងស្ថិតិគ្រាប់បាល់ ការលេងរបស់គេ និងភាពជាអ្នកដឹកនាំក្រុមរបស់គេ។ "

ប្រភព៖ sportskeeda