រូបភាពថ្មី Justin ចេញមកកម្សាន្ត ជាមួយ កូនប្រុស យ៉ាងមានក្ដីសុខ

កម្សាន្ត៖ តារា​ចម្រៀង​ លោក Justin Bieber បាន​ទាក់ទាញចំណាប់អារម្មណ៍ ​អ្នក​គាំទ្រ​ជាច្រើន ជា​មួយ​នឹង​រូបថត​របស់ខ្លួន ដែលកំពុង​សម្រាក​លំហែ​កាយ​ជាមួយ​នឹង​កូន​ប្រុស Jack Blues កាល​ពី​ចុង​សប្តាហ៍។

នៅលើ Instagram លោក Justin បានបង្ហោះរូបថត ដេក និងលេងនៅក្នុងទីធ្លាផ្ទះវីឡាជាមួយកូនរបស់ខ្លួន។ ក្មេង​ប្រុស​តូច ដេក​ហាល​ថ្ងៃ​លេង​លើ​ទ្រូង​របស់ឪពុក។​ ទន្ទឹមនឹងនេះ មុខរបស់ Jack ត្រូវបានគ្របដណ្ដប់ដោយរូប Emoji ដើម្បីរក្សាភាពឯកជន។

ទន្ទឹមនឹងរូបភាពនេះ Justin ក៏បានចែករំលែកពេលមួយក្នុង FaceTime ជាមួយកូនប្រុសរបស់ខ្លួន ហើយសម្លឹងមើលដោយក្តីស្រលាញ់។ កម្រង​រូបភាព​មួយ​សន្លឹក​នេះ ​ទទួល​បាន​ការ​ចុច Like ជិត ៣ លាន​ និង​ទទួលបានរាប់​ម៉ឺន​ Comment សរសើរ​ឪពុក​និងកូន គូនេះ។ 

គួររំឮកផងដែរថា Jack Blues កើតនៅខែសីហាឆ្នាំមុន ដែលជាកូនដំបូងរបស់ Justin Bieber និងតារាម៉ូដែល Hailey Bieber ។ គូស្វាមីភរិយាមួយគូនេះ ពេលខ្លះបង្ហោះរូបថតកូនប្រុសរបស់ពួកគេ នៅលើបណ្តាញសង្គម ប៉ុន្តែមិនដែលបង្ហាញមុខនោះទេ៕

ប្រភព៖ Ngoisao.net

សូមទស្សនារូបភាពខាងក្រោម៖