Miss Grand International 2021 ត្រូវ»-ហា»»-ម»-ឃា»»-ត់ មិនឲ្យ»»-ចេ»»-ញក្រៅប្រទេស ដោយសារ ...

វៀតណាម៖ នៅល្ងាចថ្ងៃទី ៤ ខែមេសា ភ្នាក់ងារប៉ូលីសស៊ើបអង្កេតខេត្ត Dak Lak បានចេញសេចក្តីសម្រេច ផ្អាកការចាកចេញរបស់ Miss Grand Internation 2021 បវរកញ្ញា Nguyen Thuc Thuy Tien ជាបណ្តោះអាសន្ន ។ រយៈពេលនៃការផ្អាកបណ្តោះអាសន្ននៃការចាកចេញ គឺចាប់ពីថ្ងៃទី ១៥ ខែមីនា ឆ្នាំ ២០២៥ ដល់ថ្ងៃទី ១៥ ខែឧសភា ឆ្នាំ ២០២៥។

យោងតាមប្រភពព័ត៌មាន បានឲ្យដឹងថា មូលហេតុដែល Nguyen Thuc Thuy Tien ត្រូវបានផ្អាកមិនឱ្យចាកចេញពីប្រទេសជាបណ្តោះអាសន្ន គឺដើម្បីបម្រើការផ្ទៀងផ្ទាត់ និងការស៊ើបអង្កេត។ នារសៀលថ្ងៃដដែលនោះ គណៈកម្មាធិការប្រកួតប្រជែងជាតិ (ក្រសួងឧស្សាហកម្ម និងពាណិជ្ជកម្ម) បានចេញសេចក្តីសម្រេចលេខ ៣៩/QD-XPHC ស្តីពីការអនុវត្តទណ្ឌកម្មរដ្ឋបាលចំពោះ Nguyen Thuc Thuy Tien។

បវរកញ្ញារូបនេះ ត្រូវបានពិន័យជាទឹកប្រាក់ចំនួន ២៥ លានដុង សម្រាប់ការមិនជូនដំណឹងយ៉ាងច្បាស់ ដល់អ្នកប្រើប្រាស់ថា នាងត្រូវបានឧបត្ថម្ភនៅពេលផ្តល់ព័ត៌មានផលិតផល​ នៅលើវេទិកាបណ្តាញសង្គម។

នាថ្ងៃទី ៤ មេសា លោក Nguyen Quoc Toan ប្រធានការិយាល័យនៃក្រសួងសន្តិសុខសាធារណៈ បានមានប្រសាសន៍ថា ភ្នាក់ងារប៉ូលីសស៊ើបអង្កេត បានចាប់ផ្តើមស៊ើបករណីផលិតទំនិញក្លែងក្លាយ និងការបន្លំអតិថិជន ដែលកើតឡើងនៅក្រុមហ៊ុន Asia Life និងក្រុមហ៊ុន Chi Em Rot នៅទីក្រុងហូជីមិញ និង Dak Lak។ ភ្នាក់ងារប៉ូលីសស៊ើបអង្កេតនៃក្រសួងសន្តិសុខសាធារណៈ​ បានចេញសេចក្តីសម្រេច ដើម្បីកាត់ទោស និងអនុវត្តវិធានការឃុំខ្លួនបណ្តោះអាសន្ន លើមនុស្សមួយចំនួន រួមមាន Nguyen Thi Thai Hang​ (Hang Du Muc) ដែលជាប្រធានក្រុមប្រឹក្សាភិបាលនៃក្រុមហ៊ុន Chi Em Rot Group Joint Stock Company សម្រាប់ករណី «បោកបញ្ឆោតអតិថិជន» និង Pham Quang Linh ដែលជាម្ចាស់ភាគហ៊ុន និងជាសមាជិកក្រុមប្រឹក្សាភិបាលនៃក្រុមហ៊ុនភាគហ៊ុនរួម Chi Em Rot Group សម្រាប់ករណី «បោកប្រាស់អតិថិជន»។ 

កាលពីមុននេះ Quang Linh និង Hang Du Muc ព្រមទាំង Thuy Tien គឺជាអ្នកដែលមានភាពស្និទ្ធស្នាល ដោយបានចូលរួមក្នុងវគ្គផ្សាយផ្ទាល់ ដើម្បីផ្សព្វផ្សាយ និងលក់ផលិតផលស្ករគ្រាប់ Kera ។ ដូច្នេះហើយ​ ទើប​បច្ចុប្បន្ន​រាល់​ទង្វើ​របស់​ Thuy Tien បានទាក់ទាញ​ចំណាប់អារម្មណ៍​អ្នក​លេង​អ៊ីនធឺណិត​។ អស់រយៈពេលជាច្រើនថ្ងៃមកនេះ Miss Grand International ២០២១ រូបនេះ បានផ្អាកគណនីបណ្តាញសង្គមរបស់នាងជាច្រើន។ កាលពីថ្ងៃទី ១ និងទី ២ ខែមេសា Thuy Tien បានចូលរួមសកម្មភាពសប្បុរសធម៌នៅ Tay Ninh និង Binh Duong ប៉ុន្តែមិនមានព័ត៌មានថ្មីៗនៅលើបណ្តាញសង្គមឡើយ។

បន្ទាប់​ពី ​រឿង​អាស្រូវ​ផ្សាយ​ពាណិជ្ជកម្ម​ស្ករ​គ្រាប់ Kera កញ្ញា Thuy Tien បាន​ជួប​ផ្ទាល់​ជាមួយ​គណៈកម្មការ​ប្រកួត​ថ្នាក់​ជាតិ។ គណៈកម្មការប្រកួតប្រជែងថ្នាក់ជាតិ បានចង្អុលបង្ហាញពីចំណុចខ្វះខាតរបស់ Thuy Tien ក្នុងការមិនប្រកាសយ៉ាងច្បាស់ អំពីខ្លឹមសារផ្សាយពាណិជ្ជកម្មដែលឧបត្ថម្ភ នៅក្នុងការផ្សព្វផ្សាយផលិតផលមួយចំនួន។ Thuy Tien ចែករំលែកថា «ខ្ញុំយល់ថា សកម្មភាពជាក់ស្តែងបំផុតមិនស្ថិតនៅលើពាក្យសម្ដីទេ ប៉ុន្តែជាការផ្លាស់ប្តូរនាពេលអនាគត។ ខ្ញុំប្តេជ្ញាថា នឹងមានការប្រុងប្រយ័ត្នបន្ថែមទៀត នៅរាល់សកម្មភាពផ្សព្វផ្សាយ និងកិច្ចសហប្រតិបត្តិការពាណិជ្ជកម្ម»៕

ប្រភព៖ Kenh14

សូមទស្សនារូបភាពខាងក្រោម៖