ភរិយាលាចាកលោកច្រើនខែហើយតែ ស្វាមីសាន់ឆាយ នៅតែធ្វើរឿងគួរឲ្យស្រណោះបែបនេះ

កម្សាន្ត៖ ពិតណាស់ ដំណឹងមរណភាពរបស់តារាសម្ដែងស្រីតៃវ៉ាន់ដ៏ល្បីឈ្មោះ Barbie Hsu ដែលល្បីរឿងដើរតួជា "សាន់ឆាយ" ក្នុងរឿង F4 តៃវ៉ាន់ ឬ "ស្នេហាបួនដួង" ពិតជាធ្វើឲ្យក្រុមគ្រួសារ និងប្រិយមិត្តគាំទ្ររបស់នាងតក់ស្លុត និងសោកស្ដាយខ្លាំងពន់ពេក ដោយនាងបានទទួលមរណភាពកាលទៅកម្សាន្តនៅប្រទេសជប៉ុន នាថ្ងៃទី២ខែកុម្ភៈឆ្នាំ២០២៥កន្លងទៅ។

ស្វាមីរបស់នាងគឺលោក Dj koo ឬ Koo Jun Yup ជាអ្នកដែលទទួលរងការប៉ះទង្គិចផ្លូវចិត្តខ្លាំងជាងគេ ដោយសារតែលោកស្រលាញ់និងថ្នាក់ថ្នមភរិយាខ្លាំង។ គួរបញ្ជាក់ផងដែរថា មូលហេតុនៃការទទួលមរណភាពរបស់តារាស្រីរូបនេះគឺ នាងបានឆ្លងជំងឺផ្ដាសាយធំដែលវិវត្តន៍ទៅជារលាកសួតធ្ងន់ធ្ងរ។

យ៉ាងណាមិញ មកទល់ពេលនេះមានរយៈពេលជិតបីខែហើយដែលនាងបានទទួលមរណភាព ហើយពិធីបុណ្យសពរបស់នាងក៏រៀបចំឡើងរួចរាល់អស់ហើយដែរ ប៉ុន្តែយោងតាមប្រភពជិតស្និទ្ធគឺ លោក Dj Koo នៅតែអាឡោះអាល័យភរិយា ហើយលោកតែងតែទៅសួរសុខទុក្ខផ្នូររបស់ភរិយាលោកនៅតំបន់ Jinbaoahan រាល់ថ្ងៃមិនដែលអាក់ខានម្ដងណាឡើយ បញ្ជាក់ថាលោកនៅតែស្រលាញ់ នៅតែសោកស្តាយនូវការចាកចេញយ៉ាងតក់ស្លុតរបស់តារាស្រីរូបនេះ៕

ប្រភព៖ allkpop