រូបភាព Jennie នៅកម្មវិធី Coachella សុទ្ធតែស្អាតឆ្វាចទាំងអស់

កម្សាន្ត៖ កាលពីថ្ងៃទី១៧ខែមេសាកន្លងទៅនេះ Jennie ដែលជាសមាជិកក្រុមចម្រៀងនារីល្បីឈ្មោះ BLACKPINK បានបង្ហោះរូបភាពជាច្រើនរបស់នាង ពីការប្រគុំតន្ត្រី Coachella ឆ្នាំ២០២៥នេះ។

ពិតណាស់ Jennie ដែលបានចាកចេញពីផលិតកម្ម YG Entertainment មកបើកផលិតកម្មផ្ទាល់ខ្លួនឈ្មោះថា ODD ATELIER បានបញ្ចេញអាល់ប៊ុមទោលដំបូងគេរបស់នាងមានចំណងជើងថា "Ruby" ដែលមានសុទ្ធសឹងបទចម្រៀងពីរោះៗ ទាំងស៊្លូ និងបែបកន្ត្រាក់អារម្មណ៍ ជាច្រើនហើយនាងក៏មានឱកាសបានឡើងសម្ដែងនៅកម្មវិធី Coachella ឆ្នាំ២០២៥នេះផង ដោយឆាកទី១គឺនាងបានសម្ដែង នាថ្ងៃទី១៣ខែមេសាកន្លងទៅ។

នៅក្នុងបណ្ដុំរូបភាពដែលនាងបានបង្ហោះ គេឃើញមានរូបភាពនាងថតជាមួយសមាជិក BLACKPINK ពីររូបទៀតគឺ Lisa និង Rosé ផងដែរ ហើយនាថ្ងៃទី២០ខែមេសាខាងមុខនេះ Jennie នឹងឡើងសម្ដែងនៅ Coachella ម្ដងទៀតផងដែរ៕

ប្រភព៖ allkpop