ប៉ុន្មានសន្លឹកនេះ Jennie ស្អាតស៊ិចស៊ី ដូចនារីអភិជន

កម្សាន្ត៖ Jennie ដែលជាសមាជិកម្នាក់ក្នុងក្រុមចម្រៀងនារី BLACKPINK គឺជាតារាចម្រៀងស្រីដ៏មានឥទ្ធិពល និងមានភាពល្បីល្បាញខ្លាំងណាស់ ដោយជារឿយៗ មានអ្នកគាំទ្រនិងមហាជនជាច្រើន ចាប់អារម្មណ៍លើការតុបតែងខ្លួនរបស់នាងជាប្រចាំ។

មិនថានាងស្លៀកពាក់អ្វី ក៏មានអ្នកគាំទ្រឬសូម្បីតារាគ្នាឯង តែងធ្វើត្រាប់តាមនាងជានិច្ច។ ថ្មីៗនេះ Jennie បានលេចមុខនៅលើគម្របទស្សនាវដ្ដី Harper's Barzaar អាល្លឺម៉ង់ ដោយក្នុងនោះ រូបថតដែលនាងបានថតនីមួយៗសុទ្ធតែចេញមកស្អាតឆ្វាច ទាក់ទាញគ្រប់សន្លឹក ដោយនាងបានក្លាយជាតារា KPOP ដំបូងគេបានលេចមុខលើគម្របទស្សនាវដ្ដី Harper's Barzaar អាល្លឺម៉ង់នេះ។

Jennie បានស្លៀកពាក់ខោអាវម៉ាក Chanel ដែលនាងជាអ្នកតំណាងសាកល ព្រមជាមួយនឹងការតុបតែងមុខបែបកាចៗគឺគូសភ្នែកបែប Smoky Eyes តែបបូរមាត់និងថ្ពាល់ផាត់បែបស្រាលៗ មើលទៅស្អាតប្លែកម្យ៉ាង ជាការច្របាច់បញ្ចូលគ្នារវាងភាពទន់ភ្លន់និងភាពស៊ីវិល័យ ធ្វើឲ្យសម្រស់របស់នាងមើលទៅលេចធ្លោ ជះចំហាយជានារីអភិជនពិតៗ៕

ប្រភព៖ allkpop