Kylie និង Kendall បង្ហាញសកម្មភាពមួយនេះ ជាមួយគ្នា យ៉ាងមានក្ដីសុខ

កម្សាន្ត៖ សេដ្ឋីនីវ័យក្មេង Kylie Jenner និង បងស្រីរបស់នាង Kendall​ Jenner បានទាក់ទាញការចាប់អារម្មណ៍ បន្ទាប់ពី ត្រូវបានគេប្រទះឃើញ ជប់លៀងនៅឯក្លឹបកម្សាន្តឆ្នេរ Loulou's ផ្តាច់មុខ នៅ St. Tropez កាលពីថ្ងៃព្រហស្បតិ៍ កន្លងទៅ។

រូបថតដែលទទួលបានដោយ Page Six បានបង្ហាញថា បងប្អូនបង្កើតអ្នកទាំងពីរ កំពុងមានភាពរីករាយ ជាមួយព្រះអាទិត្យ នៅពេលពួកគេមុជទឹកយ៉ាងលឿន ក្នុងទឹកពណ៌ខៀវថ្លា ជាមួយមិត្តភក្តិមួយក្រុម។

ក្នុងនោះដែរ Kendall ត្រូវបានគេឃើញ ស្លៀកឈុតប៊ីគីនីពណ៌ខ្មៅតូចដែលនាងគ្របដណ្តប់ជាមួយនឹងរ៉ូបស្ដើង និងលេងស្ទាយ៍សក់ ពាក់​កណ្ដាល​ឡើង​លើ​ ពាក់​កណ្ដាលទម្លាក់​ចុះក្រោម។

ខណៈ Kylie ដែលជាប្អូនស្រី បានបង្ហាញខ្លួន ក្នុងឈុតហែលទឹកមួយឈុតពណ៌ស ជាមួយនឹងរូបរាងស្អាតស៊ិ.ច.ស៊ី។ លើសពីនេះ Kylie បានទុកសក់ខ្មៅវែងទម្លាក់ចុះមកក្រោយ និងធ្វើឱ្យខ្លួននាង កាន់តែមានផាសុកភាព ពេលលេងនៅក្នុងទឹកសមុទ្រ៕

ប្រភព៖ PageSix

សូមទស្សនារូបភាពខាងក្រោម៖