ថា Jimmy Lin ទាំងសង្ហា មានទេពកោសល្យ ឥឡូវកូនប្រុស ក៏មិនណយដែរ កំពុងដើរតាមគន្លង ប៉ាៗហើយ!

តៃវ៉ាន់៖ ប្រិយមិត្តទាំងអស់គ្នា ដែលតែងតែតាមដាន រឿងភាគតៃវ៉ាន់ ប្រាកដជាស្គាល់ តារាសម្តែងភាពយន្ត និងជាអ្នកប្រណាំងឡាន ដ៏មានជំនាញ និងទេពកោសល្យជាក់ជាមិនខាន មានឈ្មោះថា Jimmy Lin។

ជាការពិតណាស់ Jimmy Lin គឺជាតារាសម្តែងជើងចាស់មួយរូប ដែលមានមុខក្មេងខ្ចី មានទស្សនិកជនមិនតិចទេដែលស្មានថា គាត់មានអាយុត្រឹមតែ២០ ទៅ៣០ឆ្នាំ តែប៉ុណ្ណោះ តាមការពិតទៅ តារាប្រុសរូបនេះ មានអាយុ៤៥ឆ្នាំទៅហើយ។ ក្រៅពីនេះទៅទៀត រូបលោក មានទេពកោសល្យមិនធម្មតាឡើយ មិនថា សម្តែងភាពយន្ត ច្រៀង រាំ ប្រណាំងឡាន ថែមទាំងអាចលេង ឧបករណ៍តន្ត្រី បានទៀតផងដែរ។

ដោយឡែក តារាប្រុសរូបនេះ បានបង្ហោះរូបថត ជាមួយកូនប្រុសបណ្តូលចិត្ត អមដោយ ទឹកមុខញញឹមបង្កប់ក្តីស្រលាញ់ ទៅលើកូនប្រុស ដែលកំពុងអង្គុយរៀនលេងព្យាណូ យ៉ាងសង្ហា បង្ហាញថា Jimmy Lin យកចិត្តទុកដាក់ ជាមួយអនាគត កូនយ៉ាងខ្លាំង ដោយសង្ឃឹមថា កូនប្រុសរូបនេះ នឹងដើរតាមផ្លូវ ដែលឪពុកត្រួតត្រា ឲ្យដើរស្រាប់។

គួររំលឹកដែរថា Jimmy Lin តែងតែថតរូបកូន បង្ហោះចូលទៅក្នុងបណ្តាញសង្គម ជាញឹកញាប់ អំពីសកម្មភាពកូនៗគាត់ជានិច្ច ធ្វើអោយមហាជនទាំងពួង កោតសរសើរអំពី ទឹកចិត្តដែល តារាប្រុសរូបនេះ បានថែរក្សា កូនៗទាំងអស់ ជាពិសេស អាចនិយាយបានថា កូនទាំងបីនេះ ស្រលាញ់ឪពុក ជាជាងម្តាយទៀត៕

សូមចូលមើលរូបខាងក្រោម៖