បរទេស៖ កាលពីពេលថ្មីៗនេះ យោងតាមការចុះផ្សាយ របស់CNN បានឲ្យដឹងថាFatemeh Khishvand ដែលត្រូវបានគេស្គាល់ថាជា“ Sahar Tabar” និងជាinfluencer មួយរូប នៅលើបណ្តាញសង្គមInstagram កំពុងតែឆ្លង នៅវីរុសCOVID-19 ខណៈពេលដែលនាង កំពុងតែជាប់ទោស នៅក្នុងគុកនៅឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្របពេល ជាមួយគ្នានេះដែរ មេធាវីរបស់នាងលោកPayam Derafshan បានសម្រេចចេញផ្សាយលិខិតជាសាធារណៈមួយ ទៅកាន់ប្រធានតុលាការ អ៊ីរ៉ង់គឺលោកEbrahim Reisei ក្នុងការអង្វរសុំការជម្រះក្តី ចំពោះកូនក្តីរបស់លោក ដោយផ្នែកលើបញ្ហាដ៏សំខាន់នោះគឺ នាងបានឆ្លងវីរុសនេះ នៅក្នុងគុក។
គួរបញ្ជាក់ផងដែរថា នាងKhishvand ដែលភាគច្រើន ត្រូវបានគេស្គាល់ដោយសារតែនាង បានព្យាយាមធ្វើការវះកាត់ ជាច្រើនដងឲ្យមានមុខមាត់ ដូចទៅនឹងតារាស្រីAngelina Jolie ត្រូវបានប៉ូលីសចាប់ខ្លួន នៅខែតុលា កាលពីឆ្នាំ២០១៩ដោយចោទប្រកាន់ពីបទ លើកកម្ពស់អំពើហឹង្សា ការអប់រំខុសច្បាប់ ការជេរប្រមាថ ផ្សព្វផ្សាយ ការស្អប់ខ្ពើមនិង លើកទឹកចិត្តយុវជនឱ្យ ប្រព្រឹត្តអំពើពុករលួយជាដើម៕
Bong I.T