កប់ណាស់ Baifern បើកបង្ហាញផ្ទះ តម្លៃខ្ទង់លានដុល្លារ

ថៃ៖ ក្រៅពីការងារសិល្បៈហើយ តារាស្រី Baifern Pimchanok ក៏ត្រូវបានហ្វេនៗជាច្រើនធ្វើការតាមដានពីសកម្មភាពប្រចាំថ្ងៃ ជាពិសេស រូបនាងកំពុងតែធ្វើឲ្យពួកគេចាប់អារម្មណ៍យ៉ាងខ្លាំង ក្រោយពីបានបើកបង្ហាញពីផ្ទះក្នុងក្ដីស្រមៃរបស់ខ្លួន។  

នៅក្នុងនោះដែរ Baifern បានបង្ហាញឲ្យឃើញយ៉ាងច្បាស់ៗ ពីផ្ទះថ្មីដ៏ស្កឹមស្កៃ ដែលកំពុងតែសាងសង់បានជាងពាក់កណ្តាលទៅហើយ ព្រមទាំងបង្ហើបថា ផ្ទះមួយនេះមានតម្លៃប្រហែលជា ជាង ៨០ លាន (ប្រមាណ ២,៤ លានដុល្លា) ។ 

ជាពិសេស បើទោះបីជា ផ្ទះមួយនេះ មិនទាន់សាងសង់រួចរាល់ជាស្ថាបពរក៏ដោយ តែនាងបានបង្ហាញពីអារម្មណ៍ ទៅលើផ្ទះមួយនេះ ដែលមានភាពស្រស់ស្អាត ឆើតឆាយ ព្រោះរូបនាងផ្ទាល់គឺជាមនុស្សដែលចូលចិត្តរស់នៅជាមួយធម្មជាតិ និងបានធ្វើការស្វែងរកទីតាំងមួយដ៏សាកសម ផងដែរ។ 

យ៉ាងណាមិញ ហ្វេនៗជាច្រើនក៏កំពុងតែរង់ចាំមើលពីភាពស្រស់ស្អាតផ្ទះក្នុងសុបិន្តរបស់នាងមួយនេះ ក្រោយពីសាងសង់រួច ក៏ដូចជាចូលរួមអបអរសាទរភាពជោគជ័យ ដែលនឹងក្លាយជាការពិតក្នុងពេលឆាប់ៗនេះ៕

ប្រភព៖ Sanook

សូមទស្សនារូបភាពខាងក្រោម៖