ចិត្តបុណ្យណាស់! សាវីន ហ្វីលីព និងណា សាឌី ទៅធ្វើបុណ្យយកអំណោយចែកក្មេងៗកំព្រា

ភ្នំពេញ៖ ទោះជា​ តារាសម្ដែងជើងចាស់លោក សាវីន ហ្វីលីព មិនសូវចេញមុខ ក្នុងសិល្បៈដូចមុនបែបណាក្ដី តែ​រូបលោក នៅតែធ្វើឲ្យហ្វេនៗ ចាំតាមដានពីជីវិតប្រចាំថ្ងៃជានិច្ច។

ក្នុងនោះដែរ កាលពីពេលថ្មីៗនេះ សាវីន ហ្វីលីព និងណា សាឌី ដែលជាពិធីការិនី ព្រមទាំង លោក សាដេត មានទឹកចិត្តសប្បុរសធម៌ណាស់ នាំយកអំណោយជាច្រើន មានថវិកា ៦០០ដុល្លារ និងអង្ករ១តោន ចែកជូនដល់ក្មេងៗកំព្រា នៅស្រុកភ្នំស្រួច ខេត្តកំពង់ស្ពឺ។

លើសពីនេះ សាវីន ហ្វីលីព និងតារា២ដួងទៀត​ បានថតរូបដោយស្នាមញញឹមស្រស់ថ្លា ជាមួយក្មេងៗ មើលទៅស្និទ្ធស្នាល និងស្ដែងចេញនៅទឹកចិត្តដ៏ថ្លៃថ្លា គួរឲ្យសរសើរ៕

ចង់ជ្រាបច្បាស់ ទស្សនារូបភាពខាងក្រោម៖