Lisa មកសម្ដែងខោនដោន នៅថៃ ដោយមានមិត្តប្រុសឈរមើលពីខាងក្រោមឆាក ឡើងស្វីត

ថៃ៖ ដូចដែលប្រិយមិត្តបានជ្រាបហើយថា នៅតាមប្រទេសនាតំបន់អាស៊ានក៏ដូចជាតំបន់ផ្សេងៗនៅលើពិភពលោក សុទ្ធតែរប្រារព្ធពិធីរាប់ថយក្រោយស្វាគមន៍ឆ្នាំថ្មីឬហៅថា Countdown ឈានចូលឆ្នាំ២០២៥។

ក្នុងនោះ Lisa ដែលជាជនជាតិថៃក៏បានបង្ហាញវត្តមានក្នុងការសម្ដែងមួយនៅ ICONSIAM នាទីក្រុងបាងកក នាយប់ថ្ងៃទី៣១ឈានចូលថ្ងៃទី១ខែមករា ឆ្នាំ២០២៥ផងដែរ។ Lisa បានសម្ដែងបទចម្រៀងពីលើឆាកតន្ត្រីដ៏ធំ ជាមួយនឹងអ្នកគាំទ្រយ៉ាងកុះករ ដោយបានច្រៀងបទ "Moonlit Floor" ទៀតផង។

តែអ្វីដែលគេចាប់អារម្មណ៍ខ្លាំងនោះគឺ Frederic Arnault ដែលមានពាក្យចចាមអារ៉ាមថាជាគូស្នេហ៍របស់ Lisa នោះក៏បានបង្ហាញមុខនៅក្នុងកម្មវិធីនោះដែរ ដោយអ្នកគាំទ្របានឃើញគេឈរមើលការសម្ដែងរបស់ Lisa ។

នៅក្នុងវីដេអូមួយផ្សេងទៀត Frederic ក៏បានកាន់អាវរងា Lisa និងរាក់ទាក់អ្នកគាំទ្រនាងជាមួយកាយវិការសំពះផងដែរ។ ក្នុងនោះមុនកម្មវិធីរាប់ថយក្រោយ គេក៏បានឃើញ Frederic Arnault ក៏បានចួបជាមួយនឹងម្ដាយរបស់ Lisa ទៀតផងដែលធ្វើឲ្យអ្នកគាំទ្រ មានការរំភើបចំពោះក្ដីស្រលាញ់ពួកគេ៕  

ប្រភព៖ indiatimes