ស្ទើរតែមិនជឿ! ផ្លែល្ហុងពិតជាផ្តល់អត្ថប្រយោជន៍ច្រើន​សម្រាប់សុខភាព

ល្ហុងគឺជាផ្លែឈើដែលល្អបំផុតសម្រាប់សុខភាព ព្រោះវាផ្ទុកទៅដោយសារធាតុប្រឆាំងអុកស៊ីតកម្មដែលអាចកាត់បន្ថយការរលាក ប្រយុទ្ធប្រឆាំងនឹងជំងឺ និងជួយឱ្យអ្នកមើលទៅក្មេងជាងវ័យ។

ខាងក្រោមនេះជាអត្ថប្រយោជន៍ ៨ យ៉ាងរបស់ផ្លែល្ហុង៖

១. កូឡេស្តេរ៉ុលទាប

ផ្លែល្ហុងសំបូរទៅដោយជាតិសរសៃវីតាមីន C និងសារធាតុប្រឆាំងអុកស៊ីតកម្មដែលការពារកូឡេស្តេរ៉ុលបង្កើតឡើងនៅក្នុងសរសៃឈាមរបស់អ្នក។ ដោយសារការបង្កើតកូឡេស្តេរ៉ុលច្រើនពេកអាចបណ្តាលឱ្យមានជំងឺបេះដូងរួមមាន ការគាំងបេះដូង និងជំងឺលើសឈាម។

២. មានឥទ្ធិពលប្រឆាំងអុកស៊ីតកម្ម

សារធាតុប្រឆាំងអុកស៊ីតកម្មរួមទាំងសារធាតុ Carotenoids ដែលមាននៅក្នុងផ្លែល្ហុងអាចបន្សាបរ៉ាឌីកាល់សេរី ។ ការសិក្សាកត់សម្គាល់ថាផ្លែល្ហុងដែលមានជាតិ fermented អាចកាត់បន្ថយស្ត្រេសអុកស៊ីតកម្មចំពោះមនុស្សវ័យចំណាស់ និងមនុស្សដែលមានជំងឺទឹកនោមផ្អែម ជំងឺថ្លើម និងបន្ថយហានិភ័យនៃជំងឺមួយចំនួន។

៣. ការពារជំងឺមហារីក

ការស្រាវជ្រាវបានបង្ហាញថាសារធាតុលីកូប៉ែន(lycopene)នៅក្នុងផ្លែល្ហុងអាចកាត់បន្ថយហានិភ័យនៃជំងឺមហារីក។វាក៏អាចមានអត្ថប្រយោជន៍ផងដែរសម្រាប់មនុស្សដែលកំពុងត្រូវបានព្យាបាលជំងឺមហារីក។

ផ្លែល្ហុងអាចកាត់បន្ថយរ៉ាឌីកាល់សេរីដែលរួមចំណែកដល់ជំងឺមហារីក។ ក្នុងចំណោមផ្លែឈើ និងបន្លែចំនួន ១៤ មុខដែលមានសារធាតុប្រឆាំងអុកស៊ីតកម្មដែលត្រូវបានគេស្គាល់មានតែផ្លែល្ហុងប៉ុណ្ណោះ ដែលបង្ហាញពីសកម្មភាពប្រឆាំងនឹងជំងឺមហារីកនៅក្នុងកោសិកាមហារីកសុដន់។

៤. អាចជួយពង្រឹងសុខភាពបេះដូង

ការបន្ថែមផ្លែល្ហុងឱ្យបានច្រើនក្នុងរបបអាហាររបស់អ្នកអាចជួយដល់សុខភាពបេះដូងរបស់អ្នក។ ការសិក្សាបានបង្ហាញថាផ្លែឈើដែលមានជាតិ lycopene និងវីតាមីន C ខ្ពស់អាចជួយការពារជំងឺបេះដូង ។ សារធាតុប្រឆាំងអុកស៊ីតកម្មនៅក្នុងផ្លែល្ហុងអាចការពារបេះដូងរបស់អ្នក និងបង្កើនប្រសិទ្ធភាពការពារពីកូឡេស្តេរ៉ុល។

៥. អាចប្រយុទ្ធប្រឆាំងនឹងការរលាក

ការរលាករ៉ាំរ៉ៃគឺជាឬសគល់នៃជំងឺជាច្រើន ហើយអាហារដែលមិនមានសុខភាពល្អ និងរបៀបរស់នៅអាចជំរុញដំណើរការរលាក ។ ការសិក្សាបង្ហាញថាផ្លែឈើ និងបន្លែដែលសំបូរទៅដោយអង់ទីអុកស៊ីដង់ដូចជាផ្លែល្ហុង គឺអាចជួយកាត់បន្ថយការរលាក។

៦. អាចធ្វើឱ្យប្រសើរឡើងនូវការរំលាយអាហារ

អង់ស៊ីម papain នៅក្នុងផ្លែល្ហុងអាចធ្វើឱ្យប្រូតេអ៉ីនងាយរំលាយ។ ផ្លែល្ហុងជាមធ្យោបាយដោះស្រាយក្នុងការទល់លាមក និងរោគសញ្ញាដទៃទៀតនៃរោគសញ្ញារលាកពោះវៀនធំ (IBS) ។ គ្រាប់និងផ្នែកផ្សេងទៀតនៃរុក្ខជាតិក៏ត្រូវបានគេប្រើដើម្បីព្យាបាលដំបៅផងដែរ។

៧. ជួយឱ្យស្បែកក្មេងជាងវ័យ

ក្រៅពីជួយឱ្យរាងកាយរបស់អ្នកមានសុខភាពល្អ ផ្លែល្ហុងក៏អាចជួយឱ្យស្បែករបស់អ្នកមើលទៅស្រស់បំព្រង និងក្មេងជាងវ័យផងដែរ។

សកម្មភាពរ៉ាឌីកាល់សេរីហួសកំរិតត្រូវបានគេជឿថាទទួលខុសត្រូវចំពោះភាពជ្រីវជ្រួញ ការឈឺក្បាល និងការខូចខាតស្បែកផ្សេងៗទៀតដែលកើតឡើងតាមអាយុ ។ វីតាមីន C និងលីកូប៉ែននៅក្នុងផ្លែល្ហុងការពារស្បែករបស់អ្នក ហើយអាចជួយកាត់បន្ថយសញ្ញានៃភាពចាស់ទាំងនោះ ។

៨. ជួយបន្ធូរការឈឺចាប់ពេលមករដូវ

ស្ត្រីដែលកំពុងមានអារម្មណ៍ឈឺចាប់ពេលមករដូវ អ្នកគួរតែទទួលទានផ្លែល្ហុង ព្រោះអង់ស៊ីមមួយហៅថា papain ជួយក្នុងការគ្រប់គ្រង និងសម្រួលលំហូរក្នុងពេលមានរដូវ។