ស្រីៗសុំចាញ់! មុខ Nadech មើលកាន់តែជិត រឹតតែលង់ស្នេហ៍ គ្មានស្នាមបន្តិច

ថៃ៖ ជឿជាក់ថា ប្រិយមិត្តប្រាកដជាបានស្គាល់ តារាសម្ដែងលោក Nadech ដែលជាតារាប្រុសជួរមុខ ហើយលោកតែងតែទទួលបានតំណែងធំ ជាតួឯក ក្នុងរឿងជាច្រើន។ក្នុងនោះដែរ​ លោកពិតជា មានភាពល្បីល្បាញយ៉ាងខ្លាំង ក្នុងវិស័យភាពយន្ត របស់ប្រទេសថៃ។

យ៉ាងណាមិញ Nadech ជាតារាប្រុស ដែលចូលចិត្តធ្វើបុណ្យច្រើន បើតាមមើលតាម សកម្មភាពឯកជនរបស់លោក ក្នុងបណ្ដាញសង្គម។ក្នុងនោះដែរ Nadech ក៏ជាតារាប្រុស ដែលមានរូបសម្បត្តិស្រស់សង្ហា គួរឲ្យចាប់អារម្មណ៍ ទាំងមុខមាត់ រូបរាងខ្ពស់សង្ហា ធ្វើឲ្យទស្សនិកជន ក៏ដូចជាហ្វេនៗ គាំទ្រកាន់តែខ្លាំងឡើង។

ជាការពិតណាស់ កាលពីពេលថ្មីៗនេះ​ដែរ ហ្វេនៗសង្កេតឃើញថា តារាប្រុសរូបនេះ បានទុកពុកមាត់ ច្រើនជាងមុន ដោយបានបង្ហាញមុខក្នុងកម្មវិធី គម្រប់ខួប ៥០​ឆ្នាំរបស់ ទូរទស្សន៍ប៉ុស្តិ៍លេខ៣។

បើទោះបីជា Nadech មានពុកមាត់ច្រើនជាងមុន ក៏ពិតមែន អ្វីដែលយើងកត់សម្គាល់ គេឃើញថា ស្បែកមុខលោកពិតជា សស្រស់ថ្លា គ្មានស្នាមសូម្បីបន្តិច អមដោយស្នាមញញឹម ស្រស់ប្រិមប្រិយផងនោះ ធ្វើឲ្យហ្វេនៗលង់ស្នេហ៍ គ្រប់ៗគ្នា៕

សូមទស្សនារូបភាពខាងក្រោម៖