Jennie បញ្ចេញរាងស្វ៊ែលស្អាត ជាមួយមួកចា»-ក់ក្នុង Vlog ស្វាគមន៍គ្រីស្តម៉ាសរបស់នាង

កម្សាន្ត៖ ដូចដែលប្រិយមិត្តបានជ្រាបហើយថា Jennie ដែលជាសមាជិកក្រុមចម្រៀងនារី BLACKPINK តែងតែត្រូវអ្នកគាំទ្រចាប់អារម្មណ៍ពីសកម្មភាពរបស់នាង មិនថានៅលើឆាកតន្ត្រីឬក្រោយឆាកតន្ត្រីនោះឡើយ ហើយជានិច្ចកាល នាងតែងតែចេញមកបង្ហាញភាពស្រស់ស្អាតនិងឆើតឆាយ។

ថ្មីៗនេះ Jennie បានបង្ហោះ Vlog ថ្មីរបស់នាងសម្រាប់ស្វាគមន៍រដូវកាល គ្រីស្តម៉ាស ដោយនាងបានស្លៀកពាក់បែបអាវរឹបពណ៌ស និងខោរឹបខ្លីពណ៌ដូចគ្នា ដោយបានបញ្ចេញក្បាលពោះដ៏ទាក់ទាញ ហើយបានពាក់មួក​​​ចាក់ពណ៌​​ក្រហម ជាមួយនឹងស្បែកជើងកវែងដល់ជង្គង់បែបរោមសត្វទៀតផង។

ក្នុងនោះ Jennie ក៏បានថតជាមួយនឹងដើមគ្រីស្តម៉ាសដ៏តូចរបស់នាង នៅក្នុងផ្ទះរបស់នាងនិងបានលេងហ្គេមជ្រើសរើសនេះឬនោះ ផងដែរ។ បន្ទាប់ពីវីដេអូនេះត្រូវបានបង្ហោះ អ្នកគាំទ្របានសរសើរថា Jennie ពិតជាស្រស់ស្អាតនិងមើលទៅទាន់សម័យ មិនថានាងលេងខ្លួនយ៉ាងម៉េចក៏ដោយ៕  

ប្រភព៖ allkpop