តាមពិតទៅ ដោយសារមូលហេតុបែបនេះសោះ ទើបព្រះម៉ែពស់ Vill Wannarot ក្លាយជាសក់ស នៅក្នុងរឿងអសិរពិស (មានវីដេអូ)

ថៃ៖ ខ្សែភាពយន្តភាគថៃ រឿងអសិរពិស ដែលកំពុងចាក់បញ្ចាំងលើកញ្ចក់ទូរទស្សន៍ One31 បានទទួលការគាំទ្រយ៉ាងខ្លាំងពីសំណាក់ទស្សនិកជន ដោយសារក្នុងរឿងមួយនេះ តារាសម្ដែងស្រី Vill Wannarot បានសម្តែងជាតួអង្គព្រះម៉ែពស់ ដែលជាតួអង្គដ៏ថ្មីប្លែកមួយក្នុងជីវិតការសម្តែងរបស់ Vill Wannarot។ ក៏ប៉ុន្តែ អ្នកគាំទ្ររឿងនេះមួយចំនួន បានសម្តែងនូវការងឿងឆ្ងល់យ៉ាងខ្លាំង ថាហេតុអ្វីទើបបានជាតួព្រះម៉ែពស់ក្នុងរឿងនេះមានសក់សទៅវិញ។

ដើម្បីឆ្លើយតបទៅនឹងចម្ងល់របស់ទស្សនិកជន តួឯកស្រី Vill Wannarot បានចេញមុខបកស្រាយ​ពីមូលហេតុដែលធ្វើឲ្យព្រះម៉ែពស់មានសក់សបែបនេះ។ ក្នុងនោះ នាងបានបញ្ជាក់ថា តាមពិតទៅព្រះម៉ែមានសក់ពណ៌ខ្មៅ និងរូបសម្បត្តិស្អាតធម្មតាទេ ប៉ុន្តែនៅពេលដែលព្រះម៉ែខឹងខ្លាំង រាងកាយព្រះម៉ែនឹងមានការប្រែប្រួល ដោយសក់នឹងប្រែទៅជាពណ៌ស ស្បែកចាប់ផ្ដើមប្រេះស្រកា និងមានក្រចកវែងៗ ហើយបើព្រះម៉ែខឹងដល់កម្រិតកំពូលតែម្តង ព្រះម៉ែនឹងប្រែខ្លួនទៅជាពស់តែម្តង។

ជាចុងក្រោយ Vill Wannarot ក៏បានសំណូមពរឲ្យទស្សនិកជនបន្តគាំទ្រ និងតាមដាមទស្សនារឿងនេះជាបន្តទៀត៕

សូមទស្សនារូបភាព និងវីដេអូខាងក្រោ៖