កោះកុង៖ តំបន់ទេសចរណ៍ «ស្ទឹងពពក» ជាតំបន់មួយ ដែលមានទេសភាពស្អាតអស្ចារ្យ ហើយតំបន់ទេសចរណ៍មួយនេះ មានទីតាំងនៅភូមិក្រាំងចេក ឃុំដងពែង ស្រុកស្រែអំបិល ខេត្តកោះកុង។ ដោយតំបន់មួយនេះ មានភ្នំ ដែលមានពពករសាត់អណ្ដែត ដោយមើលទៅពិតជាស្រស់ស្អាត គួរឲ្យចង់គយគន់ ជាពិសេសនៅទីនោះ ក៏មានទឹកធ្លាក់ និង ដងព្រែក អមជាមួយព្រៃព្រឹក្សាខៀវស្រងាត់ជាច្រើនគួរឲ្យទាក់ទាញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ដើម្បីទៅកាន់ តំបន់ទេសចរណ៍ “ស្ទឹងពពក” នោះបានគឺ យើងត្រូវធ្វើដំណើរតាមផ្លូវជាតិលេខ ៤៨ ឆ្លងកាត់ស្ពានស្រែអំបិល រួចធ្វើដំណើរប្រមាណ ១៥០ម៉ែត្រ ហើយបត់ស្ដាំតាមផ្លូវដីក្រហម ឆ្ពោះទៅស្ថានីយវារីអគ្គិសនីគីរីរម្យ៣ ហើយត្រូវបន្តដំណើរហួសវារីអគ្គិសនីប្រមាណ ១៥០ម៉ែត្រទៀត នោះនឹងដល់ផ្ទះប្រជាសហគមន៍ស្ទឹងពពក។ បន្ទាប់មកភ្ញៀវទេសចរ ត្រូវជិះម៉ូតូឡើងភ្នំ ដែលដឹកដោយប្រជាសហគមន៍ ឆ្ពោះទៅស្ទឹងពពក ដែលមានចម្ងាយ ៣,៥០០ម៉ែត្របន្ថែមទៀត។
គួរបញ្ចាក់ផងដែរថា តំបន់ទេសចរណ៍មួយនេះ ជាតំបន់មួយដែលមានពពកច្រើន ស្រស់ស្អាត ប្រៀបបីដូចជាទឹកស្ទឹងកំពុងតែហូរឆ្លងកាត់។ តែបើប្រិយមិត្តអ្នកអានទាំងអស់ ចង់ទៅកាន់តំបន់នេះ ហើយអាចគយគន់ពពកបានយ៉ាងស្រស់ស្អាត គឺត្រូវទៅនៅ ដើមខែវស្សា និងដើមរដូវរងា។
មិនត្រឹមតែប៉ុណ្ណោះតំបន់ «ស្ទឹងពពក» នេះផងដែរ កំពុងតែទាក់ចិត្តដល់អ្នកដែលចូលចិត្តធ្វើដំណើរកម្សាន្តជាច្រើននាក់ផងដែរ។ ហើយថ្មីៗនេះយើងក៏ឃើញមានភ្ញៀវទេសចរជាច្រើន ដែលបានទៅដល់តំបន់មួយនោះ និង បានថតរូបភាពបង្អួតពីទិដ្ឋភាពបង្ហោះតាមបណ្ដាញសង្គម និង មានអ្នក Share ចែករំលែកយ៉ាងច្រើន៕
ប្រភពរូបភាព៖ River Cloud-Stueng PorPok ស្ទឹងពពក
Bong I.T