“ដើរ​ចេញ​ពី​អតីត​កាល​”​ ជា​​កម្រង​​ស្នាដៃលើកទឹកចិត្ត​​ទើប​​​បញ្ចេញ​​​​​​​ថ្មី​ៗ​​​​ពី​​​កវី​​តូចកូនចាបមាស

កវីនិពន្ធសៀវភៅលើកទឹកចិត្តខ្លីៗកូនចាបមាស នាពេលថ្មីៗនេះទើបនឹងបញ្ចេញនូវស្នាដៃសៀវភៅចុងក្រោយ​ក្នុងឆ្នាំ​២០២០ នេះដែលមានចំណងជើងថា “ដើរចេញពីអតីតកាល”។

គ្រប់អត្ថន័យ គ្រប់ខ្លឹមសារ និងគ្រប់រូបភាពទាំងអស់នៅក្នុងសៀវភៅដ៏តូចដែលមានកម្រាស់ក្រាស់មួយក្បាលនេះ នឹងលើក​ទឹកចិត្តដល់មនុស្សជាច្រើន ហើយក៏អាចជាកម្លាំងចិត្តដល់ការខិតខំប្រឹងដើរទៅមុខបន្តទៀតផងដែរ។

កវីតូច កូនចាបមាស ដែលមានឈ្មោះដើមថា សែត ហត្ថា បើគិតរហូតមកដល់ពេលនេះមានស្នាដៃសៀវភៅ​លើក​ទឹកចិត្តចំនួន ០៥ក្បាលមកហើយរួមមាន “ដំណើរ”“ខ្យល់ដង្ហើម”“កាដូជីវិត” “វិញ្ញាសាជីវិត” និងចុងក្រោយ “ដើរចេញពីអតីតកាល”៕