ខានឃើញយូរ ម៉ារីម៉ា ស្អាតជាងមុនដាច់ឆ្ងាយ ខណៈមានកូន២ទៅហើយ

ហ្វីលីពីន៖  Marian Rivera គឺជាតារាសម្តែងដ៏ឆ្នើមម្នាក់ដ៏ឆ្នើមរបស់ប្រទេស ហ្វីលីពីន ដោយនៅក្នុងឆ្នាំ២០០៧ នាងបានបញ្ចប់ការថតខ្សែភាពយន្ត រឿង «ជិវិតនាងម៉ារីម៉ា» និង ទទួលបានការស្រលាញ់គាំទ្រ យ៉ាងខ្លាំងពីសំណាក់មហាជនក្នុង រួមទាំងក្រៅប្រទេសផងដែរ។

ជាការពិតណាស់ តារាស្រីរូបនេះ បានទទួលជោគជ័យយ៉ាងខ្លាំងទៅលើវិស័យសិល្បៈ លើសពីការរំពឹងទុក ដោយសារតែ ទេពកោសល្យពីធម្មជាតិនិង ជាពិសេសគឺសម្រស់របស់តារាមួយដួងនេះ គឺមានលក្ខណៈទាក់ទាញខ្លាំងមិនធម្មតា រហូតទាល់ពេលនោះអ្នកនាង មានប្តីប្រពន្ធក៏នៅតែមានអ្នកតាមស្រលាញ់ផងដែរ។

ដោយឡែកទោះបីជាពេលបច្ចុប្បន្ន​ តារាសម្តែងកូនកាត់ហ្វីលីពីន អេស៉្បាញម្នាក់នេះ មានវ័យរាងចំណាស់បន្តិចមែន ប៉ុន្តែបើក្រឡេកមើលរូបរាងថតដែលអ្នកនាងបង្ហោះថ្មីៗនេះ គឺពិតជាគួរឲ្យសរសើរណាស់ ដែលរូបរាងនិង សម្រស់គ្មានប្រែប្រួលទៅណាសោះ ដោយសាច់មុខនៅតែស រលោងស្រិល គ្មានស្នាមជ្រីវជ្រួញ រីឯរាងវិញ ស្វែលស្អាតដូចក្រមុំ រឹតតែគួរឲ្យចាប់អារម្មណ៍ជាងនេះទៀត គឺសាច់ដុំពោះរបស់តារារូបនេះវិញកង់ៗ មិនចាញ់ប្រុសសាច់ដុំប៉ុន្មានឡើយ។

ក្រោយពីបានឃើញដូច្នេះរួចមក ហ្វេនជាច្រើនបានចូលរួមបញ្ចេញមតិ ជាច្រើនហូរហែរ ដោយសរសើរទៅការថែរក្សាសម្រស់និង រូបរាងរបស់ Marian Rivera ដោយមានប្រុសជាច្រើនបាននិយាយលេងថា ពួកគេមានចិត្តច្រណែនទៅលើ ប្តីរបស់អ្នកនាងផងដែរ ដែលមានប្រពន្ធស្អាតខ្លាំងយ៉ាងនេះ៕