ក្នុងឱកាសបុណ្យកឋិនទាន ដែលមានរយៈពេលជិតមួយខែនេះ ក្រសួងធម្មការ និងសាសនា ថ្មីៗនេះបានណែនាំដល់អាចារ្យ និងគណៈកម្មការវត្ត ហាមដើររៃអង្គាសបច្ច័យនៅតាមផ្លូវសាធារណៈ ទីប្រជុំជន គេហដ្ឋាន ។ល។ ការហាមឃាត់ទាំងនេះដោយក្រសួងអះអាងថា សកម្មភាពរៃអង្គាសបច្ច័យនៅតាមផ្លូវសាធារណៈ បានធ្វើឱ្យបាត់បង់សណ្ដាប់ធ្នាប់របៀបរៀបរយសង្គម និងតម្លៃព្រះពុទ្ធសាសនា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រៅពីនោះ ក្រសួងបានប្រាប់ឲ្យទាយកទាយិកាម្ចាស់ដើមកឋិន ត្រូវយកចិត្តទុកដាក់ និងណែនាំអ្នកចូលរួមដង្ហែកឋិន ពិសេសយុវជន កុំឲ្យធ្វើអំពើផ្តេសផ្តាសដូចជាយកដុំថ្ន ឬទឹក ចោល ឬគប់លើអ្នកដទៃលើផ្លូវដែលត្រូវហែកឋិនជាដើម។
ក្នុងលិខិតចុះថ្ងៃ ២៩ កញ្ញា ២០២០ខាងលើ ក្រសួងធម្មការ និងសាសនា បន្ថែមថា រាល់ការរៀបចំបុណ្យកឋិនទាន ត្រូវអនុវត្តតាមការណែនាំរបស់ក្រសួងសុខាភិបាលក្នុងការទប់ស្កាត់ និងការការពារកូវីដ១៩ ព្រមទាំងអនុវត្តវិធានការសុវត្ថិភាពសុខភាពរបស់ក្រសួងសុខាភិបាល គឺត្រូវរៀបចំឱ្យមានជាកន្លែងពិនិត្យសុខភាព មុនពេលចូលក្នុងទីធ្លាវត្តអារាម ព្រះវិហារ ឬសាលាឆាន់ ត្រូវមានឧបករណ៍វាស់កម្ដៅ សាប៊ូ ជែល ឬទឹកអាល់កុលសម្រាប់លាងសម្អាតដៃជាប្រចាំ។ ចំពោះពុទ្ធបរិស័ទទាំងអស់ ត្រូវពាក់ម៉ាស ក្រមា កន្សែង ឬប្រើប្រាស់ក្រដាសខ្ទប់មាត់នៅពេលក្អក ឬកណ្ដាស់ និងត្រូវរក្សាគម្លាតបុគ្គលម្នាក់ទៅបុគ្គលម្នាក់ ឱ្យបានយ៉ាងតិច១ម៉ែត្រកន្លះ។
គួរបញ្ជាក់ថា បុណ្យកឋិនទាន ជាកាលទានមួយដ៏ថ្លៃថ្លា មានលក្ខណៈពិសេសក្នុងព្រះពុទ្ធសាសនា ដែលក្នុងមួយឆ្នាំមានប្រារព្ធម្តង មានរយៈពេល ២៩ថ្លៃ គឺចាប់ពីថ្ងៃ ០៣ ដល់ ៣១ តុលា ដោយវត្តមួយអាចរៀបចំកថិនតែម្តងប៉ុណ្ណោះ៕
Bong I.T