ខួប១០ឆ្នាំការសាងស្នេហ៍ Kan Kantathavorn ធ្វើឲ្យប្រពន្ធញញឹមបិទមាត់ជិត

ថៃ៖ រៀបការនឹងគ្នាបានជិត ២ឆ្នាំហើយ ប៉ុន្តែភាពផ្អែមល្ហែម របស់តារាសម្ដែងប្រុស លោក Kan Kantathavorn និង ភរិយា នៅតែមានឥតឈប់ឈរ មិនចេះដាច់ ខណៈពេលដែលប្ដីប្រពន្ធមួយគូ តែងតែចូលមកបង្អួត នៅលើបណ្ដាញសង្គម ធ្វើឲ្យហ្វេនៗកាន់តែរំភើបជំនួស។ 

ម៉្យាងវិញទៀត ទោះបីជារៀបការនឹងគ្នាទើបតែបាន ២ ឆ្នាំមែន តែទំនាក់ទំនងស្នេហារបស់ប្ដីប្រពន្ធ លោក Kan និង ភរិយា បានសាងស្នេហ៍នឹងគ្នា អស់រយៈពេលជាច្រើនឆ្នាំទៅហើយ ដែលកាលពីថ្មីៗនេះ លោក Kan និង ភរិយា ក៏បានបង្ហោះរូបភាពដ៏ផ្អែមល្ហែម  ដែលនៅក្នុងឱកាសនេះ អ្នកទាំងពីរក៏បានរៀបចំពីធីគម្រប់ខួបនៃការសាងស្នេហ៍នឹងគ្នា អស់រយៈពេល ១០ ឆ្នាំ ថែមទៀតផង ។ 

ដោយឡែក នៅក្នុងទិដ្ឋភាពទាំងនោះ អ្នកទាំងពីរបានរៀបចំយ៉ាងរ៉ូមែនទិក ព្រមជាមួយនឹងស្នាមញញឹមពោរពេញទៅដោយក្ដីសុខ នៅក្នុងជីវិតប្ដីប្រពន្ធមួយនេះ ជាពិសេស លោក Kan ថែមទាំងបង្ហាញពីសកម្មភាពស្វីតៗ ថើបថ្ពាល់ប្រពន្ធ ដែលហ្វេនៗបានឃើញហើយចង់លើសជាតិស្ករនឹងភាពផ្អែមល្ហែមមួយនេះ ហើយក៏បានចូលរួមសម្ដែងក្ដីអបអរ និងជូនពរឲ្យអ្នកទាំងពីរស្រលាញ់គ្នាបែបនេះរហូតទៅ៕ 

សូមទស្សនារូបភាពខាងក្រោម៖