ទំនាក់ទំនងប្ដីប្រពន្ធ Angela Baby កាន់តែគួរឲ្យសង្ស័យជួបរឿងប្រេះឆា ក្រោយពី...

ចិន៖ ក្នុងរយៈពេលជាច្រើនខែកន្លងមកនេះ ជីវិតប្ដីប្រពន្ធរបស់ តារាស្រី Angela Baby និង ស្វាមី លោក Huang Xiaoming តែងតែត្រូវបានមហាជន ក៏ដូចជាអ្នកលេងបណ្ដាញសង្គមជាច្រើន លើកមកនិយាយ ពីការសង្ស័យចំពោះរឿងប្រេះឆា នៅក្នុងទំនាក់ទំនងរបស់ តារាប្រុសស្រីទាំង ២ រូបនេះ ។​ 

ជាក់ស្ដែង ថ្មីៗនេះ ប្ដីប្រពន្ធអ្នកទាំងពីរ ស្រាប់តែបានធ្វើឲ្យមានការផ្ទុះឡើង និងទទួលបានការចាប់អារម្មណ៍យ៉ាងខ្លាំង ក្នុងពេល ដែលបានបញ្ចេញនូវ រូបភាពផ្ទាល់ខ្លួន នៅលើបណ្តាញសង្គម បង្ហាញថា ជីវិតរបស់ភាគីទាំងពីរ គឺកាន់តែឃ្លាតឆ្ងាយពីគ្នាហើយ ជាពិសេស ក្នុងនោះដែរ អ្នកលេងបណ្ដាញសង្គមមួយចំនួន ថែមទាំង ចាប់បានពីរូបភាព ដែល Angela Baby នាំកូនប្រុសរបស់នាង ទៅលេងឧទ្យានដោយខ្លួនឯង ខណៈពេលដែល ស្វាមីនាង បានបង្ហាញរូបថតនៅឯស្រុកកំណើត។

មិនត្រឹមតែប៉ុណ្ណោះ សូម្បីតែ នៅលើបណ្តាញសង្គមរបស់ អ្នកទាំងពីរ ក៏តែងតែមានការអាប់ដេតខុសៗគ្នា ទៀតផង។ តែទោះជាយ៉ាងណា រឿងហេតុនេះ មិនទាន់មានការបកស្រាយពីអ្នកទាំងពីរនោះទេ ដូច្នេះមានតែត្រូវរង់ចាំតាមដានបន្តថា ទំនាក់ទំនងអ្នកទាំងពីរ នាពេលបច្ចុប្បន្ននេះ នឹងទៅជាយ៉ាងណា ផងដែរ៕

សូមទស្សនារូបភាពខាងក្រោម៖