Carina Lau ត្រូវគេរិះគន់រឿងមុខចាស់ មិនសមសម្ដែងជាតួអង្គវ័យក្មេង

ចិន៖​ ថ្មីៗនេះ យោងតាមទំព័រ Sina បានរាយការណ៍ឲ្យដឹងថា ខ្សែភាពយន្តមួយ ដែលមានការចូលរួមសម្ដែងពីតារាស្រីជើងចាស់ Carina Lau  ដែល បានចាក់ផ្សាយ បន្ទាប់ពីរយៈពេល ៣ ឆ្នាំមកនេះ  មានទស្សនិកជនមួយចំនួន បានសម្តែងការមិនពេញចិត្ត ចំពោះតួអង្គរបស់នាង  ដែលបានសម្ដែងជានារីវ័យក្មេង អាយុ ២០ ឆ្នាំ ខណៈដែលរូបនាងផ្ទាល់មាន អាយុ ៥២ ឆ្នាំទៅហើយ។

នៅក្នុងនោះដែរ រូបភាពនៃតួអង្គរបស់តារាស្រីរូបនេះ បានបង្ហាញពីស្ទាយ៍ម៉ូតសក់ ចងទាំងទីទុយទាំងសងខាង ដោយព្យាយាមធ្វើឲ្យនាងមើលទៅ មានភាពជាយុវវ័យ ដែលទទួលបានយោបល់អវិជ្ជមានពីអ្នកទស្សនា ដោយបានលើកឡើងថា នាងមានភាពចាស់ពេក មិនមែនមានអាយុសមស្រប សម្រាប់ការសម្តែងលើតួអង្គវ័យក្មេង របស់នាងនោះទេ  ។

យ៉ាងណាមិញ ក៏មានការកោតសរសើរ ចំពោះការសម្តែងដ៏ល្អ របស់តារាស្រីរូបនេះ ប៉ុន្តែពួកគេ នៅតែបាននិយាយថាមិនមានអារម្មណ៍ ចំពោះតួអង្គក្នុងវ័យ ២០ ឆ្នាំ របស់នាងបានឡើយ ខ​ណៈដែលបានបង្ហាញពីស្នាមជ្រីវជ្រួញ និងមិនមានភាពលេចធ្លោ​ផងដែរ៕ 

សូមទស្សនារូបភាពខាងក្រោម៖