កម្សាន្ត៖ តារាចម្រៀងស្រី Britney Spears បង្ហាញពីការរំជួលចិត្តជាមួយកូនប្រុសរបស់នាង នៅថ្ងៃបុណ្យណូអែល បន្ទាប់ពី កូនៗបានចាកចេញពីនាងអស់រយៈពេល ២ ឆ្នាំ ដោយសារតែការមិនចុះសម្រុងគ្នាជាច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅលើ Instagram នៅល្ងាចថ្ងៃទី ២៥ ខែធ្នូ Britney Spears បានបង្ហោះវីដេអូជាមួយកូនប្រុសពៅរបស់នាង Jayden អាយុ ១៨ ឆ្នាំ។ ម្តាយនិងកូនប្រុសរូបនេះ បានឈរនៅមុខកាមេរ៉ា ហើយបានផ្ញើការជូនពរ Merry Christmas ទៅកាន់អ្នកគាំទ្ររបស់ពួកគេ។ Britney បានណែនាំកូនប្រុសរបស់នាង ហើយបានថើ.បកូននៅលើថ្ពាល់។
តារាស្រីរូបនេះ ថែមទាំងបង្ហាញសារថា៖
បុណ្យណូអែលដ៏ល្អបំផុតក្នុងជីវិតរបស់ខ្ញុំ! ខ្ញុំមិនបានឃើញកូនប្រុសទាំងពីររបស់ខ្ញុំក្នុងរយៈពេលពីរឆ្នាំមកហើយ។ ទឹកភ្នែកនៃសុភមង្គល និងភាពងឿងឆ្ងល់ជារៀងរាល់ថ្ងៃ រំភើបចិត្តដោយក្តីស្រឡាញ់ និងពរជ័យ។ ខ្ញុំមិនអាចបង្ហាញការដឹងគុណចំពោះព្រះយ៉ាងគ្រប់គ្រាន់នោះឡើយ។
កូនប្រុសច្បងរបស់ Britney, Sean Preston វ័យ ១៩ ឆ្នាំ មិនត្រូវបានគេឃើញនៅក្នុងវីដេអូនោះទេ។ Sean និង Jayden បច្ចុប្បន្នរស់នៅជាមួយឪពុករបស់ពួកគេ ដែលជាអ្នករាំ Kevin Federline និងម្តាយចុងនៅ Hawaii ។ អស់រយៈពេលជាយូរមកហើយ ដែលបងប្អូនទាំងពីរមិនបានជួបម្ដាយរបស់ខ្លួននោះទេ។ នៅពេលដែល Britney បានរៀបការជាមួយតារាសម្តែង Sam Asghari ក្នុងខែមិថុនា ឆ្នាំ ២០២២ កូនប្រុសទាំងពីររបស់នាង មិនបានចូលរួមពិធីមង្គលការនោះទេ៕
ប្រភព៖ Ngoisao.net
សូមទស្សនារូបភាពខាងក្រោម៖
Bong I.T