បទចម្រៀង «ឆ្លងឆ្នាំ ២នាក់» របស់តារាចម្រៀង ខេមរៈ សិរីមន្ត កំពុងផ្ទុះការគាំទ្រខ្លាំងលើសពីការរំពឹងទុក!

ភ្នំពេញ៖ បន្ទាប់ពីចេញបទចម្រៀង «ឆ្នាំនេះអូនមើលកាំជ្រួចជាមួយអ្នកណា» ទទួលបានការគាំទ្រខ្លាំងភ្លូកទឹក ភ្លូកដីពីសំណាក់មហាជន ពិសេសស្រទាប់មិត្តៗយុវវ័យរួចមក។

ស្រាប់តែថ្មីៗនេះផលិតកម្ម រស្មីហង្សមាស ក៏បញ្ចេញចម្រៀងថ្មីមួយបទទៀតរបស់លោក ខេមរៈ សិរីមន្ត ដែលមានចំណងជើងថា «ឆ្លងឆ្នាំ ២នាក់» កាន់តែធ្វើឲ្យផ្ទុះទីផ្សារកាន់តែខ្លាំង ជាមួយនឹងអត្ថន័យចាក់ដោតអារម្មណ៍មិត្តយុវវ័យ ពិសេសជាមួយនឹងទឹកដមសំនៀងដ៏ពិរោះ ព្រមទាំងបច្ចេកទេសសម្លេងរបស់លោក ខេមរៈ សិរីមន្ត ផ្ទាល់តែម្តង។

យ៉ាងណាមិញអាចនិយាយបានថាលោក ខេមរៈ សិរីមន្ត ជាតារាចម្រៀងប្រុសម្នាក់ ដែលអាចបត់បែនសម្លេងបានគ្រប់ទម្រង់មិនថាបទស្រែកកន្រ្តក់អារម្មណ៍ ឬបទមនោសញ្ចេតនាសង់ទីម៉ង់នោះទេ។ ជាក់ស្តែងដូចបទ «ឆ្លងឆ្នាំ ២នាក់» អ៊ីចឹងគឺបញ្ចូលមនោសញ្ចេតនា​ទៅក្នុងបទចម្រៀងនេះបានយ៉ាងល្អ។ ហើយសម្រាប់បទថ្មីចំនួន ២ បទរបស់លោក ខេមរៈ សិរីមន្ត បើគិតមកដល់ពេលនេះមានអ្នកចូលមើល និងចូលស្តាប់រហូតដល់រាប់ម៊ីន រាប់លានឯណ្ណោះ។

ដូច្នេះ កុំឲ្យខាតពេលវេលាយូរចង់ដឹងអត្ថន័យ និងពីរោះរណ្តំកម្រិតណា! តោះ ភ្លេចស្តាប់ទាំងអស់គ្នា ៖