រឿងរ៉ាវ ដែលអ្នកមិនដឹងពី អាយដល៥នាក់នេះ!!!

ថៃ ៖ ក្រឡេកមកមើល តារាស្រីថៃទាំង៥ រូបនេះកំពុងមានឈ្មោះល្បី មានទស្សនិកជនស្គាល់ច្រើន មិនថាក្នុងស្រុក ​​ឫក្រៅស្រុក។ ជាក់ស្តែង គេក៏បានដឹងផងដែរថា តារាស្រីរូបស្រស់ទាំង៥រូបនេះដែលមាន Taewaew Natapohn​(Taew)  Mint_chalida(Mint) Matt Peranee(Matt)  Mewnittha(Mew) និង  Toeyjarinporn(Toey) ជាមិត្តភក្តិសិ្នទ្ធស្នាលនឹងគ្នានៅក្រៅឆាកសម្តែង។

មិនតែប៉ុណ្ណោះ គេឃើញក្រុមស្រីស្អាតនេះ តែងមានការជួបជុំលេងសើចសប្បាយ ដើរលេងកម្សាន្ត ជាមួយគ្នាជាញឹកញាប់ ។

មិនទុកយូរ ឥលូវនេះមកមើលពីសម្រស់ ជីវិត និងទំនាក់ទំនងស្នេហារបស់តារាស្រីថៃទាំង៥នេះ

Furby Friend

taewaew_natapohn

តារាស្រីរូបនេះ ត្រូវបានគេស្គាល់គេតារាសម្តែងល្បីឈ្មោះមួយរួបនៅប៉ុស្តិ៍ Tv3 ក្នុងវ័យ៣១ឆ្នាំ រូបនាង បានបញ្ចប់ការសិក្សាថ្នាក់បរិញ្ញាប័ត្រនៅសាកលវិទ្យាល័យល្បីឈ្មោះ Chulalonkorn របស់ប្រទេសថៃផ្នែកស្ថាបត្យកម្ម។

បើងាកមកមើលពីចំណងស្នេហា តារាស្រីរូបនេះ បានធ្លាប់មានទំនាក់ទំនងជាមួយ Aach Lhaisakul (Ton) ។ Ton ជាមិត្តភក្តិនៅវិទ្យាល័យរួមគ្នានឹង Taew តែក្រោយពីបានទាក់ទងគ្នារយៈពេល១៤ឆ្នាំ អ្នកទាំងពីរបានប្រកាសបែកបាក់គ្នា។

បន្ទាប់ពីអ្នកទាំងពីរ បានបញ្ចប់ពាក្យជាដៃគូ សល់ត្រឹមមិត្តភក្តិនេះ Taew ក៏បានរកអ្នកស្អំបេះដូងជំនួសនោះគឺ Pranai Phornprapha​ ដែលជាសេដ្ឋីហាយសូម្នាក់។ មួយរយៈក្រោយនេះ គេឃើញអ្នកទាំងពីរបានថតរូបដៃគូផ្អែមល្អែមជាច្រើនរួមគ្នា។

Mint Chalida

រីឯ តារាស្រីរូបនេះវិញ នាងជាកូនកាត់ ចិន ឥណ្ឌា ថៃ ហេតុនេះហើយទើបធ្វើឲ្យរូបនាង មានរូបសម្រស់ស្រស់ស្អាតខ្លាំងបែបនេះ។ នាងត្រូវបានគេស្គាល់ថា ជានិស្សិតនៅ សាកលវិទ្យាល័យ Srinakharinwirot ។ លើសពីនេះទៅទៀត នាងក៏មានមុខជំនូសក្រោមការគ្រប់គ្រងខ្លួនផងដែរ Minito Gelato។ ទន្ទឹមនឹងភាពជោគជ័យ ទាំងមុខជំនួសនិងអាជីពជាតារាសម្តែង និងអ្នកដើរម៉ូតនោះ នាងក៏មានភាពសេចក្តីសុខក្នុង ទំនាក់ទំនងស្នេហាជាមួយលោក Pupaa Taechanarong ។ គេបានដឹងទៀតថា Paa ក៏ជាម្ចាស់ក្រុមហ៊ុនមួយផងដែរ។

Matt Peranee

ចំណែកឯ Matt នេះវិញ នាងជាកូនកាត់ណ័រវេសម្នាក់ដែរ ដែលសព្វថ្ងៃនេះ នាងជាតារាសម្តែងនិងជាតារាមូដែលម្នាក់ដែលកំពុងមានឈ្មោះល្បី។ បើយើងសម្លឹងមើលប្រវត្តិការសិក្សារបស់នាងផ្ទាល់ នាងបានបញ្ចប់ថ្នាក់បរិញ្ញាប័ត្រផ្នែកសិល្បៈក្នុងការសម្តែងពី សាកលវិទ្យាល័យThammasat។ ក្នុងមុខអាជីពរបស់ខ្លួន នាងបានសម្តែងក្នុងរឿងជាច្រើន ហើយក៏បានទទួលនូវរង្វាន់មិនតិចដូចគ្នាដែរ។

 ស្របពេលជាមួយនឹងការវិវឌ្ឍន៍ឈ្មោះយ៉ាងមានសម្ទុះនោះ រឿងស្នេហា នាងក៏មានទំនាក់ទំនងយ៉ាងបើកចំហជាមួយនឹងពោះម៉ាយកូនមួយ លោក Songkran Taechanarong។

Mewnittha

បើងាកមកមើល Mewnittha ហៅកាត់ថា Mew ។ ក្នុងវ័យ៣១ឆ្នាំ រូបនាងបានបញ្ចប់ការសិក្សាថ្នាក់បរិញ្ញាប័ត្រពីសកលវិទ្យាល័យ Srinakharinwirot ផ្នែក Fashion design។ ក្នុងអាជីពជាតារាដើរម៉ូត និងតារាសម្តែងដែលមានទ្រនំនៅប៉ុស្ត Thai TV3 នាងបានចាប់ផ្តើមការសម្តែងដំបូងក្នុងរឿង Khun Chai Pawornruj ។ ក្រោយមកទៀត គេឃើញនាងបានសម្តែងក្នុងរឿងភាគជាច្រើនផងដែរ ។ ជាមួយនឹងការជោគជ័យនេះក្នុងអាជីពខ្លួន នាងបានសម្រេចចិត្តរៀបការជាមួយ Saint Tharaphut Kuhapremkit ដែលរូបលោកត្រូវបានគេស្គាល់ថាជា អ្នកជំនួយហើយក៏ដូចជាទាយាទគ្រួសារជំនួយមួយផងដែរ។

Toeyjarinporn

ក្រឡេកមកមើល តារាស្រី Toeyjarinporn នេះវិញ ក្នុងអាយុប្រហាក់ប្រហែលនឹងមិត្តភក្តីខ្លូន ក្នុងគ្រួសារបងប្អូន២នាក់ ដែលរូបនាងជាកូនច្បងវ័យ៣១ឆ្នាំរូបនេះ បានបញ្ចប់ការសិក្សាថ្នាក់បរិញ្ញាប័ត្រផ្នែកសិល្បៈនិង ថ្នាក់អនុបណ្ឌិតពីសកលវិទ្យាល័យ Mahidol ផ្នែកសង្គមនិងមនុស្សសាស្ត្រ។ ក្នុងវិថីសម្តែងរបស់តារាស្រីរូបនេះ នាងបានជោគជ័យនិងមានឈ្មោះល្បី តែបើក្រឡេកមកមើលពីទំនាក់ទំនងស្នេហាវិញ គេក៏ឃើញនាងមិនទាន់មានបញ្ចេញអ្វីនៅឡើយ។