ផលិតកម្ម MLD កំពុងចាត់វិធានការផ្លូវច្បាប់ចំពោះជនខិលខូចដែលចែកចាយរូបភាពមិនសមរម្យរបស់ Nancy

កូរ៉េខាងត្បូង៖ តារាចម្រៀងស្រី Nancy សមាជិកក្រុម Momoland បានក្លាយខ្លួនជាជនរងគ្រោះដោយសារការវាយប្រហារដាក់កាមេរ៉ាបង្កប់ដែលត្រូវបានគេស្គាល់ថាជា molka ដែលថតរូបតារាចម្រៀងកូរ៉េកាត់អាមេរិកកាំងរូបនេះដែលត្រូវបានគេចរាចរចែកចាយតាមប្រព័ន្ធអ៊ីនធឺណេត។

យ៉ាងណាមិញ នៅក្នុងសេចក្តីថ្លែងការណ៍មួយដែលបានចេញផ្សាយកាលពីថ្ងៃច័ន្ទ ទី ១១ ខែមករា ឆ្នាំ ២០២១ ផលិតកម្ម MLD Entertainment បានថ្លែងថា“ Nancy គឺជាជនរងគ្រោះនៃការថតរូបមិនសមរម្យនិងគ្រប់គ្រងទុកនេះ។ មនុស្សដែលគួរតែត្រូវបានការពារជាមុននិងសំខាន់បំផុត Nacy” ។ សេចក្តីថ្លែងការណ៍ក៏បានបន្តទៀតថាក្រុមហ៊ុនកំពុងធ្វើការជាមួយប៉ូលិសនិងភ្នាក់ងារអនុវត្តច្បាប់នៅបរទេសដើម្បីចាត់វិធានការតាមច្បាប់យ៉ាងម៉ឺងម៉ាត់ចំពោះអ្នកដែលបានថតរូបនិងបង្ហោះក៏ដូចជាអ្នកដែលបន្តផ្សព្វផ្សាយរូបនាងផងដែរ។

ក្រុមហ៊ុន MLD Entertainment បានបន្ថែមទៀតថាតារាវ័យ ២០ ឆ្នាំកញ្ញា Nancy ដែលមានឈ្មោះពេញរបស់នាងគឺ Nancy McDonie កំពុងរងទុក្ខកង្វល់ប៉ះពាល់ខាងផ្លូវចិត្តយ៉ាងខ្លាំងខ្លា ហើយក៏បានអំពាវនាវឱ្យបញ្ចប់ការបង្ហោះព្យាបាទដែលរំខានដល់សិល្បកររបស់ពួកគេផងដែរ។ រូបភាពទាំងនោះត្រូវបានគេនិយាយថាបានថតនៅក្នុងបន្ទប់ផ្លាស់សម្លៀកបំពាក់ក្នុងកម្មវិធីប្រគល់ពានរង្វាន់សិល្បករអាស៊ីឆ្នាំ ២០១៩ (2019 Asia Artist Awards) នៅឯប្រទេសវៀតណាមដែលជាកន្លែងនាង Nancy ជាអ្នកតំណាង។

ក្រុមអ្នកគាំទ្រខ្លះជឿជាក់ថាអ្នកដែលទទួលខុសត្រូវគឺជាបុគ្គលិកដែលបុគ្គលិក និងក្រុមការងារដែលមានសិទ្ធចូលទៅកាន់កន្លែងដែរ Nancy ផ្លាស់សម្លៀកបំពាក់នេះឯង គណៈកម្មាធិការកម្មពិធីបង្ហាញពានរង្វាន់នេះបានចេញសេចក្តីថ្លែងការណ៍មួយដើម្បីថ្កោលទោសចំពោះទង្វើនេះ និងនិយាយថាពួកគេកំពុងសហការជាមួយអាជ្ញាធរអនុវត្តច្បាប់៕