អង់គ្លេស៖ លោក Wayne Rooney បានកោតសរសើរខ្សែបម្រើ N'Golo Kante ថាគេជាខ្សែបម្រើឆ្នើមបំផុតក្នុងលោកដោយប្រៀបធៀបគេនឹង Yaya Toure និង Claude Makelele ទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Kante បានក្លាយជាតារាឆ្នើមមួយរូបដែលរួមចំណែកយ៉ាងធំធេងក្នុងការជួយ Chelsea លើកពាន Champions League ដោយគេបានជាប់ជាកីឡាករល្អប្រចាំការប្រកួតជាមួយ Real Madrid ទាំងពីរជើងនិងក្នុងការប្រកួតវគ្គផ្ដាច់ព្រ័ត្រជាមួយ Manchester City ផងដែរ។
Kante ក៏ត្រូវបានគេដាក់រហស្សនាមថា បុរសសួតច្រើនរត់មិនចេះហត់ ព្រោះគេអាចរត់ជុំវិញតារាងដោយមិនហត់នឿយ មិនថាបាល់នៅទីណាក៏ដោយខណៈពេលនេះគេកំពុងជួយក្រុមជម្រើសជាតិបារាំងនៅព្រឹត្តិការណ៍ Euro 2020 ក្រោមការដឹកនាំរបស់លោកគ្រូបង្វឹក Didier Deschamps ផងដែរ ឯខ្សែបម្រើ Paul Pogba ក៏បានលើកឡើងដែរថា Kante គួរតែបានឈ្នះពាន ballon d'Or នៅរដូវកាលនេះ។
យ៉ាងណាមិញ Wayne Rooney ក៏បានកោតសរសើរសមត្ថភាពរបស់ Kante ដែរថាគេប្រៀបដូច Yaya Toure នៅ Man City និង Makelele នៅ Chelsea ដូច្នេះដែរ។
លោក Rooney បានសរសេរក្នុងកាសែត The Times ថា៖
ក្រុមជម្រើសជាតិបារាំងមានកីឡាករសំខាន់មួយរូបដែលនោះគឺ Kante ។ កាលនៅវគ្គផ្ដាច់ព្រ័ត្រ Champions League គឺគេពិតជាលេងបានអស្ចារ្យខ្លាំងណាស់។ គេអាចធ្វើអ្វីបានគ្រប់យ៉ាង ទាំងប្រយុទ្ធ ដូច Yaya Toure ដែលពិតជាពិបាកក្នុងការការពារ និង អាចលេងជាការពារដូច Claude Makelele បាន។ វាពិតជាមិនគួរឲ្យជឿដែលមានកីឡាករដែលជាការរួមបញ្ចូលគ្នាដោយ Yaya Toure និង Makelele ហើយ Kante ក៏មានកម្លាំងពលំមាំមួនដែរ។ដូច្នេះហើយសម្រាប់ខ្ញុំ គេជាខ្សែបម្រើដ៏ល្អបំផុតក្នុងលោក៕
ប្រភព៖ metro
Bong I.T