អីយ៉ាស់! សង្ស័យមានដំណឹងល្អ Bella Porch ណាត់ជួប Rose និង Jennie ស្ងាត់ៗ

កម្សាន្ត៖ តារា Tiktok ដ៏ល្បីល្បាញ Bella Porch ក៏ជាតារាចម្រៀងចំណូលថ្មីផងដែរ បទចម្រៀងដំបូងរបស់នាងមានចំណងជើងថា Build a b*tch ផ្ទុះការគាំទ្រខ្លាំង មានអ្នកចូលមើលរាប់រយលាននាក់។​ តារាស្រីរូបនេះ មុននឹងក្លាយប្រឡូកវិស័យចម្រៀង នាងគឺជា តារាTiktok ម្នាក់ដែលមានអ្នកគាំទ្រទូទាំងពិភពលោក។

ថ្មីៗនេះ Bella Porch បានធ្វើឲ្យអ្នកគាំទ្រត្រេកអរជាខ្លាំង ក្រោយពីមានមហាជនបានប្រទះឃើញ Bella បានស្កាត់ទៅជួប Rose និង ​Jennie ដែលជាសមាជិកក្រុម Blackpink ដែលជាក្រុមនារី Kpop ដែលមានកេរ្តិ៍ឈ្មោះល្បីល្បាញនិងមានអ្នកគាំទ្រចម្រុះជាតិសាសន៍ទូទាំងពិភពលោក។   

 យោងទៅតាមរូបភាព បានបង្ហាញថា ពួកគេហាក់ដូចជាបានសំណះសំណាលរឿងអ្វីមួយ នៅក្នុងការណាត់ជួបដែលស្ថិតនៅក្នុងទីក្រុង Los Angeles ។ ហេតុនេះហើយ អ្នកគាំទ្រកំពុងតែរំភើបនិងត្រៀមចិត្តចាំស្ដាប់ដំណឹងល្អនៅថ្ងៃខាងមុខនេះ។ 

ទោះបីជាយ៉ាងណាក៏ដោយ ក៏នៅមិនទាន់មានលេចឮដំណឹងពិសេសអ្វីនៅឡើយទេ។ ប៉ុន្តែវត្តមានរបស់តារាលំដាប់កំពូលទាំង៣នាក់នេះ​ បានធ្វើឲ្យអ្នកគាំទ្រទាំងអស់មានការសប្បាយចិត្ត និងទន្ទឹងរងចាំដំណឹងពីការរួមការងារគ្នាជាផ្លូវការពីភាគីទាំងសងខាង៕ 

ប្រភព៖ Bella Porch