Cinderella ២០២១ សម្ដែងដោយ Camila គ្រាន់ឃើញវគ្គខ្លី ញាក់បាត់ទៅហើយ(មានវីដេអូ)

//s9.kh1.co/10/10fafe2160bab26a077fcc6b59e68fe4f109f0f9.png

តារា & កម្សាន្ដ

០៤-សីហា-២០២១ ១ល្ងាច · ៣ ឆ្នាំមុន

Camila បានធ្វើឲ្យហ្វេនៗភ្ញាក់ផ្អើល បន្ទាប់ពីខ្លួននឹងមានមុខក្នុងរឿងដ៏ល្បីល្បាញ សម្ដែងធ្វើជាតួឯក Cinderella ដែលនឹងចាក់បញ្ចាក់នាពេលខាងមុខ ចំណែកឯសាច់រឿងវិញ គ្រាន់ឃើញឈុតខ្លីៗក៏ដឹងថាល្អមើលប៉ុណ្ណាទៅហើយ ។

បរទេស៖ ប្រិយមិត្តពិតជាធ្លាប់បានមើលរឿង Cinderella រួចមកហើយ រឿងមួយនេះចេញជាខ្សែភាពយន្តបែបគំនូរជីវចលដំបូងដោយ ក្រុមហ៊ុន Disney នៅក្នុងឆ្នាំ ១៩៥០ ដែលទទួលបានការគាំទ្រនិងមានភាពល្បីល្បាញខ្លាំងមែនទែន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែ គំនូរជីវចលមានទៅដល់២វគ្គ ប៉ុណ្ណោះទេ ភាពយន្តមួយនេះត្រូវបានផលិតសារជាថ្មីបន្ដបន្ទាប់ជាច្រើន Version ថែមទាំងផលិតជាខ្សែភាពយន្តដែលសម្ដែងដោយតួអង្គមនុស្សទៀតផង។ ទោះបីជា Cinderella បានផលិតសារជាថ្មីជាច្រើនយ៉ាងណាក៏ដោយ ក៏រឿងមួយនេះនៅតែមានប្រជាប្រិយភាពខ្លាំងដ៏ដែល។

ឥលូវនេះ តួអង្គ Cinderella បានត្រឡប់មកសារជាថ្មីម្ដងទៀត ជាមួយនឹងសាច់រឿងកាន់តែល្អមើលជាងមុន លាយលំនឹងឆុតឆាកកំប្លែង ថែមទាំងតួអង្គមានការផ្លាស់ខ្លះៗពីសាច់រឿងដើម។ អ្វីដែលធ្វើឲ្យរឿង Cinderella ២០២១ នេះកាន់តែពិសេស គឺតួអង្គ Cinderella សម្ដែងដោយ Camila Cabello។

លើសពីនោះ Camila Cabello ជាតារាចម្រៀងស្រី ជនជាតិអាមេរិក ដែលមានប្រជាប្រិយភាពជុំវិញពិភពលោក និង តែងតែទទួលបានការស្រលាញ់ពេញចិត្តពីអ្នកគាំទ្រ។ ជាពិសេស នាងពិតជាសាកសមជា ព្រះនាង Cinderella ពិតមែន ព្រោះតែសមត្ថភាពសម្ដែងដ៏អស្ចារ្យ។

ទាំងនេះជាមូលហេតុដែលធ្វើឲ្យរឿង Cinderella ២០២១ កាន់តែពិសេសគួរឲ្យចាប់អារម្មណ៍ ដែលអ្នកគាំទ្រទន្ទឹមរងចាំ។ រឿងនេះនឹងចាក់បញ្ចាំងក្នុង ថ្ងៃទី០៣ ខែកញ្ញា ឆ្នាំ២០២១ ខាងមុខនេះ ដែលនាំមកជូនដោយក្រុមហ៊ុន Amazon Prime Video៕