លាសិនហើយ! កីឡាករឆ្នើម Man UTD រូបនេះ សម្រេចចិត្តផ្លាស់ទៅកាន់​ Leeds UTD ហើយ

អង់គ្លេស៖ ខ្សែប្រយុទ្ធ Daniel James ត្រូវបានគេរាយការណ៍ នឹងចាកចេញពី Manchester United ដើម្បីផ្លាស់ទៅកាន់ Leeds United ក្នុងតម្លៃ២៨លានអឺរ៉ូ (ឬប្រមាណ៣៣លានដុល្លារ) ហើយ ការប្រកាសជាផ្លូវការនឹងធ្វើឡើងនៅក្នុងពេលឆាប់ៗនេះ។

ជាការពិតណាស់ កីឡាករសញ្ជាតិវេលស៍ខាងលើ បានចូលរួមជាមួយ Man Utd នៅក្នុងឆ្នាំ២០១៩ ក្រោយផ្ទេរចេញពី Swansea City ហើយ ក្នុងការបង្ហាញខ្លួនសរុបចំនួន៥០ប្រកួត រូបគេបានទាត់បញ្ចូលទីចំនួន៦គ្រាប់ផងដែរ។

បើយោងតាមការចុះផ្សាយរបស់លោក Fabrizio Romano បានលើកឡើងថា កិច្ចចរចាររវាង Man Utd និង Leeds Utd គឺ ទទួលបានជោគជ័យ១០០ភាគរយហើយ ខញៈ James នឹងត្រូវធ្វើការតេស្តសុខភាពនៅថ្ងៃស្អែកមុនចុះកុងត្រាជាមួយក្រុមជាផ្លូវការ៕

ប្រភព៖ Fabrizio Romano