បរទេស៖ ឪពុករបស់ Neymar លោក Neymar Santos SR. បានសារភាពថា មូលហេតុដែលកូនប្រុសរបស់ខ្លួនសម្រេចចិត្តចាកចេញពី Barcelona ក៏ព្រោះតែគេមានចង់ដណ្តើមតំណែងរបស់ Lionel Messi នៅក្នុងក្រុមអ្នកមានបុណ្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Neymar ទទួលបានជោគជ័យខ្លាំងមែនទែនអំឡុងពេលលេងឲ្យ Barcelona ពីចន្លោះឆ្នាំ ២០១៣-២០១៧ ក្នុងការចាប់ដៃគូប្រយុទ្ធជាមួយ Luis Suarez និង Lionel Messi រហូតដល់ឆ្នាំ ២០១៧ រូបគេក៏បានសម្រេចចិត្តទៅកាន់ Paris Saint Germain យ៉ាងគួរឲ្យភ្ញាក់ផ្អើល ក្នុងតម្លៃបំបែកកំណត់ត្រាពិភពលោក ២២២លានអឺរ៉ូ។
ទាក់ទងនឹងរឿងខាងលើ ឪពុករបស់ Neymar បាននិយាយថា៖
ខ្ញុំពិតជាចង់ឲ្យ Neymar បន្តលេងនៅ Barcelona។ ពួកយើងបានធ្វើអ្វីៗគ្រប់បែបយ៉ាងដើម្បីរក្សាគាត់នៅទៅនេះ ប៉ុន្តែ គាត់នៅតែចាកចេញ។ ទោះបីជាគាត់ស្រលាញ់មិត្តរួមក្រុមរបស់គាត់ប៉ុណ្ណាក៏ដោយ ប៉ុន្តែគាត់មិនចង់ដាក់ខ្លួនឯងជាមួយតារាជួរមុខរបស់ Barcelona ឡើយ។ គាត់សម្រេចចិត្តថា ចង់ដើរលើផ្លូវខ្លួនឯង និង ទៅចូលរួមជាមួយ PSG៕
ប្រភព៖ sportskeeda
Bong I.T